Samfélagsmiðlar

Hvað kostar þriggja stjörnu gisting í tilboðsborgunum?

Það er nokkur munur á hótelverðum í London, París og Kaupmannahöfn í byrjun næsta árs. Túristi kannaði prísana á hótelum þessara þriggja borga.

Flugmiðar til London, Kaupmannahafnar og Parísar voru á tilboðum í vikunni hjá Icelandair og Wow Air. Framboð á flugi til þessara þriggja borga hefur aukist frá í fyrra og ekki ólíklegt að tilboðin haldi áfram að berast. Þeir sem ætla að stökkva á miða án þess að kanna fyrst hvað gistingin kostar geta hér séð hvað meðalgistiverðið er í þessum borgum á næstu mánuðum.

Túristi kannaði hvað það kostar að gista á þriggja stjörnu hóteli miðsvæðis í Kaupmannahöfn, París og London um helgi í janúar, febrúar og mars. Aðeins hótel sem hafa þrjár eða fjórar stjörnur komu til greina. Þar sem ekki er hægt að stóla aðeins á stjörnur hótelanna voru gististaðir sem ekki náðu 7 í meðaleinkunn hjá gestunum útilokaðir í leitinni. Notuð var hótelbókunarsíða Túrista sem byggir á leitarvél fyrirtækisins HotelsCombined og ber hún saman verð á öllum helstu hótelsíðum í heimi og er á íslensku.

París dýrust í mars

Það er áberandi að fjölmargir hótelstjórar slá af verðinu í byrjun árs og margir bjóða allt að þriðjungsafslátt. Þeir sem næla sér í flugmiða á tilboði komast því í ódýra helgarferð eftir áramót og geta svo notið þess besta sem þessar borgir hafa upp á að bjóða innandyra og auðvitað útsöluverðs í búðunum. Eins og sjá má á töflunni fyrir neðan þá eru verðin lægst í Kaupmannahöfn en þegar fer að vora í París þá snarhækkar gistingin í borg ljósanna. Hægt er að smella á borgarheitin til að finna gistingu í viðkomandi borg.

Meðalverð fyrir gistinótt um helgi í tveggja manna herbergi:

JanúarFebrúarMars
Kaupmannahöfn14.168 kr.13.958 kr.13.974 kr.
London19.261 kr.18.638 kr.19.421 kr.
París13.649 kr.13.423 kr.31.298 kr.

 

 

 

Þeir sem eru til í að gista aðeins fyrir utan miðborgir og á hótelum með tvær stjörnur geta fundið enn ódýrari gistingu.

TENGDAR GREINAR: Auðvelt að finna ódýrari bílaleigubíl í Orlando
TILBOÐ: 15% afsláttur á góðu hóteli í Kaupmannahöfn

Mynd: Visit London

Nýtt efni

Sauðfjársetrið var stofnað árið 2002 af heimamönnum og hefur vaxið og dafnað í þeirra umsjá allar götur síðan. Nýverið hlaut það tilnefningu til Íslensku safnaverðlaunanna fyrir samfélagslegra nálgun í safnastarfi. Í umsögn með tilnefningunni segir meðal annars að hér sé um að ræða mikilvæga og öfluga menningarstofnun sem hafi gríðarmikið gildi fyrir samfélagið á Ströndum. …

Unnið er að því á flugvellinum í Nice á Côte d´Azur að rafvæða alla starfsemi hans með 4 milljóna evra fjárstuðningi frá Evrópusambandinu. Er verkefnið liður í loftslagsstefnu sambandsins. Allar flugvélar í stæði eiga að fá aðgang að raforku sem unnin er með endurnýjanlegum hætti. Settar verða upp um 70 tengistöðvar í þessu skyni. Á …

Nýja-Sjáland var á meðal þeirra ríkja sem fylgdu hörðustu lokunarstefnunni á meðan Covid-19 geisaði. Nú vilja stjórnvöld þar blása meira lífi í ferðaþjónustu á landinu og helst utan vinsælasta tímans sem er nýsjálenska sumarið - frá desemberbyrjun til febrúarloka, þegar dagarnir eru langir og sólríkir og nætur mildar.  Ferðaþjónusta er einn helsti atvinnuvegur Nýja Sjálands …

Talsmenn þýsku sambandsstjórnarinnar staðfestu í dag að hún væri að leita lausnar á viðskiptadeilu Evrópusambandsins og Kína. Það fæli væntanlega í sér að boðuð hækkun verndartolla um allt að 38,1 prósent nái fram að ganga. Það er ekki umhyggja fyrir kínverskum hagsmunum sem ræður afstöðu þýskra stjórnvalda heldur vilja þau vernda hagsmuni stórfyrirtækja í eigin …

Schiphol-flugvöllur við Amsterdam er meðal fjölförnustu flugvalla Evrópu og hefur umferðin um hann lengi verið umdeild meðal íbúa. Umfangi flugvallarins, hávaða frá honum og mengun, hefur ítrekað verið mótmælt og brugðist hefur verið við með því að setja takmarkanir á þjónustutíma og fjölda véla sem um hann fara. Schiphol er þó og verður áfram ein …

Verulega hefur dregið úr magni ósoneyðandi gastegunda í andrúmsloftinu og þykir núna nokkuð ljóst, samkvæmt nýrri rannsókn, að hið alþjóðlega átak um að bjarga ósonlaginu hafi tekist framar vonum.  Margir sem komnir eru á miðjan aldur muna eftir brúnaþungum sjónvarpsfréttamönnum segja frá válegum tíðindum af ósonlaginu á níunda og tíunda áratugnum, inni á milli lagstúfa …

Á meðan franskir og spænskir bílaframleiðendur þrýstu á um að Evrópusambandið brygðist hart við meintum óðeðlilega miklum ríkisstuðningi Kínverja við rafbílaframleiðslu sína og hækkuðu verndartolla vöruðu þýskir keppinautar þeirra við því að slegið gæti í bakseglin: Gríðarlega mikilvægur markaður í Kína gæti lokast að verulegu leyti. Um þriðjungur af sölutekjum Mercedes Benz, BMW og Volkswagen …

Óhætt er að segja að það kosti Hlyn Guðjónsson, sendiherra Íslands í Ottawa, mikil ferðalög að sinna íslenskum hagsmunum í Kanada, sem er næst víðfeðmasta land heimsins. Sendiráð Íslands er hinsvegar lítið, starfsmenn aðeins þrír - Hlynur og tveir staðarráðnir. Nýlega var Hlynur staddur í Halifax, höfuðborg Nova Scotia. Það tekur um tvo tíma að …