Samfélagsmiðlar

Helmingi ódýrara að leigja bíl í júní en ágúst

Það er almennt ódýrara að fljúga út í byrjun sumars en í ágúst og það kostar líka töluvert meira að leigja bíl þegar líður á sumarið. Alla vega á Spáni.

Spánn hefur lengi notið mikilla vinsælda meðal íslenskra ferðamanna og í sumar verður flogið reglulega til Alicante, Barcelona og Madrídar. Þeir sem ætla að ferðast á eigin vegum um meginland Spánar munu sennilega flestir leigja sér bíl við komuna og verðið á þeirri þjónustu er mjög mismunandi.

Samkvæmt niðurstöðum verðkönnunar Túrista, á bílaleigum á flugvöllunum í Alicante og Barcelona, í febrúar þá margborgaði sig að bóka bílinn í gegnum bókunarsíður en ekki beint af stóru bílaleigunum. Þá kom líka í ljós að það er töluvert ódýrara að leigja bíl í júní en þegar líður á sumarið.

Mikill verðmunur

Túristi hefur á ný leitað eftir bílum í Alicante og Barcelona hjá tveimur bílaleigum og tveimur bókunarsíðum. Könnuð voru verð á millistórum bílum í flokknum „Compact“ og aðeins hjá bílaleigum með afgreiðslu í flugstöðvarbyggingu. Oft er hægt að fá ódýrari bíla fyrir utan flugstöðina.

Eins og sjá má á töflunni hér fyrir neðan er verðmunurinn á milli mánaða allt að tvöfaldur og sama gildir um bilið á milli hæsta og lægsta verðs.

Ótakmarkaður akstur, kaskótrygging og skattar voru hluti að leiguverðinu í öllum tilvikum. Þess ber að geta að Rentalcars.com knýr áfram bílaleiguleit Túrista.

Verð á bílaleigubíl í flokknum „Compact“ á flugvöllunum í Alicante og Barcelona:

Alicante flugvöllur
14/6-28/6
26/7-9/8
Budget48.161 kr.108.247 kr.
Dohop36.296 kr.77.708 kr.
Hertz76.810 kr.133.799 kr.
Túristi.is/Rentalcars.com34.503 kr.70.354 kr.
Barcelona flugvöllur
14/6-28/6
26/7-9/8
Budget53.427 kr.108.092 kr.
Dohop60.053 kr.88.882 kr.
Hertz85.327 kr.126.210 kr.
Túristi.is/Rentalcars.com48.684 kr.83.937 kr.

 

 

 

 

 

NÝJAR GREINAR: Rífleg hækkun á töskugjaldiVesenið með þjórféð
ORLOFSHÚS: Í ALICANTEÍ BARCELONA

Mynd: Barcelona tourism

 

Nýtt efni

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …

Almennu hlutafjárútboði Play lauk í gær og bárust tilboð upp á 105 milljónir króna en lagt var upp með að selja nýtt hlutafé fyrir allt að 500 milljónir króna. Þátttaka almennings í hlutafjáraukningu Play í nóvember 2022 var heldur ekki í takt við framboð. Þá lögðu stærstu hluthafar félagsins því til 2,3 milljarða króna. Það …

Bandarísk flugfélög hvetja Biden-stjórnina í Bandaríkjunum til að gefa ekki út fleiri flugleyfi fyrir kínverska keppinauta þeirra í flugi milli Kína og Bandaríkjanna. Vísað er til samkeppnishindrana sem flugmálayfirvöld í Kína beita erlend flugfélög. Reuters-fréttastofan greinir frá þessu. Samgönguráðuneyti Bandaríkjanna gaf það út í febrúar að kínversk flugfélög gætu boðið allt að 50 flugferðir á …

Kynnisferðir, sem starfa undir vörumerkinu Icelandia, hafa gengið frá kaupum á öllu hlutafé í Dive.is. Fyrir áttu Kynnisferðir 51% hlut í félaginu á móti Tobias Klose. Dive.is sérhæfir sig í köfunar- og snorklferðum í Silfru auk þess að bjóða upp á námskeið í köfun. Félagið leggur mikið uppúr upplifun viðskiptavina enda er það í efsta …

„Ég myndi halda að við værum stærsta flugfélagið fyrir þá sem eru að fljúga frá Íslandi," sagði Einar Örn Ólafsson, forstjóri Play, á kynningarfundi hlutafjárútboðs félagsins, á þriðjudaginn. Máli sínu til stuðnings sýndi hinn nýi forstjóri og fyrrum stjórnarformaður flugfélagsins glæru þar sem sjá mátti hvernig hlutdeild Play á heimamarkaði hefur aukist og farið upp …

Árið 2018 kynnti netverslunin Amazon nýjung á bandarískum smásölumarkaði: Amazon Just Walk Out-Stores. Verslunin var kynnt sem mikil bylting og í rauninni væri lausn Amazon framtíðarlausn fyrir aðrar smásöluverslanir. Maður skannaði símann sinn þegar gengið var inn í Just Walk Out-verslun Amazon, valdi þær vörur sem maður girntist, setti þær í innkaupakörfu og síðan gat …

MYND: ÓJ

Fyrir heimsfaraldur voru flugsamgöngur milli Íslands og Ítalíu litlar, takmörkuðust lengst af við sumarferðir til Mílanó. Á þessu hefur orðið mikil breyting því nú er hægt að fljúga héðan allt árið til Rómar og Mílanó og á sumrin eykst úrvalið enn frekar.  Ítölsku ferðafólki hefur fjölgað verulega í takt við þessar auknu samgöngur og var …

Sala á hreinum rafbílum frá þýska bílaframleiðandanum BMW jókst um 41 prósent á fyrsta fjórðungi ársins. Með söluaukningunni er vægi rafbíla hjá BMW, sem einnig framleiðir Mini, komið upp í 20 prósent hjá þýska framleiðandnum en hlufallið var 15 prósent fyrir ári síðan samkvæmt frétt Bloomberg. Á sama tíma hefur orðið samdráttur í sölu á …