Samfélagsmiðlar

Ódýrt tengiflug til S-Evrópu í sumar

Framboð á beinu flugi héðan til suðurhluta Evrópu er sáralítið en með því að flúga frá Keflavík með þremur evrópskum lággjaldaflugfélögum er hægt að komast þangað ódýrt og um leið tryggja sig fyrir tjóni ef seinkanir setja ferðaplanið úr skorðum.

Íslenskir túristar á leið til suður- og austurhluta Evrópu þurfa oftast að millilenda á leið sinni á áfangastað þar sem skortur er á beinu flugi héðan til þessara hluta álfunnar. Óhætt er að fullyrða að margir setji því ferðina saman á netinu og bóki þá flugin í sitthvoru lagi. En þá gæti farþeginn lent í klípu ef seinkun á fyrra fluginu verður þess valdandi að hann missir af framhaldsfluginu. Þá þarf ferðalangurinn sjálfur að kaupa nýjan miða til að komast á áfangastað.

Fyrir áhættufælna ferðalanga

Þeir sem vilja tryggja sig fyrir svona skakkaföllum kaupa farið af flugfélagi eða ferðaskrifstofu og verða þá bæði flugin að vera hluti af sama miðanum. Sá sem er með þannig miða er á ábyrgð söluaðilans ef flugi seinkar mikið eða er aflýst. Fæst lággjaldaflugfélög bjóða upp á þess háttar miða en það gera þó Vueling, German Wings, Airberlin og Norwegian svo lengi sem báðir leggir eru með viðkomandi félagi. Þannig getur farþegi í Keflavík flogið til Berlínar með Airberlin og skipt þar um vél og flogið áfram á suðrænar slóðir án þess að þurfa að hafa áhyggjur af seinkunum. Flugfélagið ber nefnilega ábyrgð á að koma viðkomandi á áfangastað og skaffa gistingu og skaðabætur ef tímasetningar breytast óvænt.

Þeir sem eru á leið suður á bóginn ættu því að kíkja á heimsíður þessara flugfélaga og kanna hvort fargjöldin standist samanburð. Eins og sjá má á verðdæmunum hér fyrir neðan þá er hægt að fá flug á einum miða með þessum félögum á verði sem er sjaldan bjóðast á beinu flugi héðan til Spánar eða Ítalíu á sumrin. Hafa ber í huga að við fargjöldin bætast oft farangurs- og bókunargjöld.

Ítalía

Catania
13. til 26.júní: 45.814 kr. með Airberlin

Napólí:
11. til 24. júní: 42.432 kr. með Airberlin

Róm:
11. til 24. júní: 47.751 kr. Airberlin
19. til 29. september: 51.810 kr. Vueling

Frakkland

Nice:
20.júní til 3. júlí: 47.766 kr. með Airberlin

Toulouse:
10. til 26.júní: 46.890 kr. með Vueling
16. til 29.júní: 45.814 kr. með German Wings

Spánn

Cadiz:
10. til 26. júní: 53.655 kr. Vueling

Menorca:
10. til 26.júní: 50.734 kr. með Vueling

Palma á Mallorca:
27.júní til 13.júlí: 41.202 kr. German Wings

TILBOÐ: 15% AFSLÁTTUR Í KAUPMANNAHÖFN
ORLOFSÍBÚÐIR: Í PARÍSÍ BARCELONA
BÍLALEIGA: GERÐU VERÐSAMANBURÐ Á BÍLALEIGUBÍLUM

Nýtt efni

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Bláa lónið í Svartsengi hefur rýmt öll sín athafnarsvæði vegna jarðhræringa við Sundhnúkagígaröðina nú í morgun. Rýmingin gekk vel að því segir í tilkynningu og er gestum þakkaður góður skilningur á stöðunni, starfsmönnum fagleg vinnubrögð og viðbragðsaðilum gott samstarf. Bláa lónið er einn allra vinsælasti viðkomustaður ferðamanna hér á landi en vegna jarðhræringa á Reykjanesi …

Icelandair hefur gripið til hópuppsagna í dag og munu þær ná til ólíkra deilda innan fyrirtækisins að því segir í frétt Vísis. Þar er haft eftir Ásdísi Ýr Pétursdóttur, talskonu Icelandair, að dagurinn í dag sé erfiður en hún geti ekki tjáð sig nánar um stöðuna af virðingu við starfsfólkið. Heimildir FF7 herma að uppsagnirnar …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …