Samfélagsmiðlar

Ennþá til ódýrir bílaleigubílar í Alicante og Barcelona

Tveggja vikna leiga á bíl á Spáni eftir mánuð kostar ríflega tuttugu þúsund krónum minna í dag en í byrjun árs. Verðþróunin er hinsvegar ólík milli borga.

Það er ekki of seint að finna bílaleigubíl í ódýrari kantinum fyrir Spánarreisur sumarsins en líklega er framboðið á bílum í lægsta flokki takmarkaðra nú þegar nær líður brottför. Mynd: Ferðamálaráð Spánar
Það er flogið héðan til þriggja flugvalla á meginlandi Spánar frá vori og fram á haust. Landið hefur lengi laðað til sín íslenska ferðamenn og á því verður væntanlega ekki breyting í sumar. Þeir sem ætla að ferðast á eigin vegum um Spán á næstunni og hafa ekki ennþá fest sér bílaleigubíl geta í dag fengið bíl við flugvellina í Alicante og Barcelona sem kosta nokkru minna en ef pantað hefði verið í febrúar. Alla vega ef ferðinni er heitið út um næsta mánaðarmót.

Túristi hefur fylgst með breytingum á leiguverðinu með jöfnu millibili og eins og sjá má á línuritinu hér fyrir neðan þá kostar tveggja vikna leiga á bíl í flokknum „compact“ í Alicante tæpar fimmtíu þúsund krónur í dag en var á 71 þúsund þann 15. febrúar. Verðið í Barcelona hefur líka lækkað frá því í febrúar. Miðað er við tveggja vikna leigu dagana 26.júlí til 9.ágúst. Ennþá er hins vegar mun dýrara að taka bíl í Barcelona en Alicante.

Í þessum könnunum notum við leitarvél Rentalcars.com sem finna má á bílaleigusíðu Túrista. Samkvæmt verðkönnun okkar í apríl voru lægstu leiguverðin þar að finna og voru þau í sumum tilfellum um helmingi lægri en ef bókað var beint hjá einu af stóru bílaleigunum. Hafa ber í huga að framboð á bílum í lægsta verðflokki er minna nú en í fyrri könnunum.

Verðþróun á leiguverði bíla í flokknum „Compact“ á flugvöllunum í Alicante og Barcelona, 26.júlí til 9.ágúst:

 

SMELLTU HÉR TIL AÐ GERA EIGIN VERÐSAMANBURÐ Á BÍLALEIGUBÍLUM

TILBOÐ: 15% AFSLÁTTUR Í KAUPMANNAHÖFN
ORLOFSÍBÚÐIR: Í PARÍSÍ BARCELONA

Nýtt efni

Árið 1970 barst Pattie Boyd nafnlaust og dularfullt ástarbréf frá einhverjum sem þráði hana afar heitt. Vandinn var bara sá að Pattie var þegar gift öðrum manni og ekki ófrægum; hún og George Harrison gítarleikari The Beatles höfðu búið saman í sex ár þegar bréfið barst Pattie.  „Ég skrifa þér þessa orðsendingu í þeim megintilgangi …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …