Samfélagsmiðlar

Áfangastaðir vetrarins

Í fluggeiranum hefst veturinn þegar flestar þjóðir seinka klukkunni um einn tíma í lok október. Vetrardagskrá flugfélaganna sem halda uppi áætlunarflugi héðan á þeim árstíma er fjölbreyttari en áður. MEIRA

 

 

 

Í fluggeiranum hefst veturinn þegar flestar þjóðir seinka klukkunni um einn tíma í lok október. Vetrardagskrá flugfélaganna sem halda uppi áætlunarflugi héðan á þeim árstíma er fjölbreyttari en áður.

Það verður flogið beint til þrjátíu og þriggja borga í Evrópu og N-Ameríku frá Keflavík og Reykjavík í vetur. Þar af eru fimm borgir sem aldrei áður hafa verið hluti að leiðakerfi flugfélaganna hér á landi utan aðalferðamannatímans. Á suma áfangastaðina er aðeins flogið einu sinni til tvisvar í viku á meðan ferðirnar til London verða fimm til sex á dag. Síðasta vetur lét nærri að fjórða hver vél sem tók á loft frá Keflavík setti stefnuna á bresku höfuðborgina og vægi Lundúna mun ekki minnska næstu mánuði því easyJet mun fjölga ferðum sínum þangað en WOW dregur þó aðeins úr.

Lítil samkeppni

Af þessum þrjátíu og tveimur flugleiðum sem í boði verða í vetur þá er aðeins samkeppni á fimm þeirra. Til Oslóar og London fljúga þrjú félög og Icelandair og WOW air fljúga daglega til Kaupmannahafnar. Þeir sem ætla í fótboltaferð til Manchester geta áfram valið á milli easyJet og Icelandair og ef ferðinni er heitið til Parísar þá fjúga bæði WOW air og Icelandair þangað.

Nýliðarnir

Í vetur verður í fyrsta skipti hægt að fljúga héðan beint til Sviss því easyJet mun bjóða upp á nokkrar ferðir í viku til Basel og Genf allt árið um kring. Breska félagið ætlar einnig að fara tvisvar í viku á milli Belfast og Keflavíkur. Flybe og Icelandair munu svo bæði fljúga milli Birmingham og Keflavíkur. Í N-Ameríku er flug Icelandair til Edmonton í Alberta-fylki í Kanada eina viðbótin við vetrardagskrána.

Hér má sjá allar þær borgar sem boðið verður upp á áætlunarflug til í vetur. Til sumra borga verður flogið í stuttan tíma en aðrir áfangastaðir eru í boði í allan vetur.

Áfangastaðir vetrarins (smellið á borgarheitin til að finna gistingu í hverri borg)

Austurríki
Salzburg: WOW air á laugardögum frá 20. desember til loka febrúar.

Bandaríkin
Boston: Icelandair 9 ferðir í viku.
Denver: Icelandair 4 ferðir í viku.
New York: Icelandair daglega til JFK og fjórum sinnum í viku til Newark.
Orlando: Icelandair þrisvar í vikur.
Seattle: Icelandair alla daga vikunnar.
Washington: Icelandair fimm daga í viku

Bretland
Belfast: easyJet tvisvar í viku frá 12. desember.
Birmingham: Flybe þrisvar í viku og Icelandair tvisvar frá 5.febrúar.
Bristol: easyJet þrisvar í viku
Edinborg: easyJet þrisvar í viku
Glasgow: Icelandair fimm ferðir í viku
London: easyJet 5 til 7 ferðir í viku til Luton og þrisvar til Gatwick. Icelandair tvisvar á dag til Heathrow og allt að sex sinnum í viku til Gatwick. WOW air 10 ferðir í viku til Gatwick.
Manchester: easyJet og Icelandair þrisvar í viku.

Danmörk
Kaupmannahöfn: Icelandair 15 ferðir í viku og WOW air tíu.

Finnland
Helsinki: Icelandair þrjár til fjórar ferðir í viku

Frakkland
París: Icelandair daglega og WOW air þrisvar í viku.

Færeyjar
Þórshöfn: Atlantic Airways á föstudögum frá Keflavík

Grænland
Nuuk: Flugfélag Íslands tvær ferðir í viku frá Reykjavík
Kulusuk: Flugfélag Íslands 1 til 2 ferðir í viku frá Reykjavík.
Ilulissat: Flugfélag Íslands tvisvar í viku í mars frá Reykjavík.

Holland
Amsterdam: Icelandair daglega.

Kanada
Edmonton: Icelandair fjórum sinnum í viku.
Toronto: Icelandair fimm ferðir í viku.

Noregur
Bergen: Norwegian þrisvar í viku
Osló: Icelandair átta sinnum í viku. Norwegian þrisvar í viku. SAS allt að daglega.

Spánn:
Alicante: WOW air á laugardögum fram til 29. nóvember.

Sviss
Basel: easyJet tvær ferðir í viku.
Genf: easyJet tvisvar í viku.

Svíþjóð
Stokkhólmur: Icelandair átta brottfarir í viku

Þýskaland
Berlín: WOW air þrisvar í viku.
Frankfurt: Icelandair daglega.
Munchen: Icelandair þrjár til fjórar ferðir í viku.

Auk þessara borga bjóða ferðaskrifstofurnar upp á leiguflug til nokkurra borga og eins verður hægt að fljúga til Varsjár um jólin og til Stavanger og Þrándheims fram í byrjun nóvember.

Nýtt efni

„Aðkoma mín að ferðaþjónustunni hefur verið á ýmsum sviðum og ég hef fengið að starfa í greininni í meira en þrjá áratugi, þar af meira en aldarfjórðung í eigin rekstri. Á þessum árum hefur greinin okkar vaxið úr því að vera næstum því tómstundagaman fyrir áhugasama í það að vera stærsta útflutningsgrein þjóðarinnar með öllum …

Veitingahúsarekstur á Íslandi getur verið töluverður barningur: Vaktafyrirkomulag er kostnaðarsamt og launin vega mjög þungt í rekstri, verð á hráefni er hátt og opinber gjöld ekki síður, einkum á áfengi. Veitingamenn bíða eins og aðrir að gengið verði frá kjarasamningum og það verði hægt að gera einhverjar áætlanir fram í tímann.  Þegar launin sem greiða …

Kauphöllin

Hlutabréfavísatalan Stoxx Europe 600 náði sína hæsta gilda á föstudaginn og hefur þá hækkað um nærri 70 prósent frá því mars 2020 þegar vísitala fór lægst í upphafi heimsfaraldursins. Vísitala Bloomberg sem fylgist með gengi evrópskra flugfélaga hefur á sama tíma hækkað um 23 prósent. Af stóru evrópsku flugfélögunum er Ryanair það eina þar sem …

Tónlistarmaðurinn hefur á þessum árum lagt inn 689 lög í eigin nafni. En þrátt fyrir afar litlar vinsældir hefur maðurinn fengið útborgaðar um það bil sem svarar 90 milljónum íslenskra króna frá streymisveitunum vegna þess hve oft lögin hafa verið spiluð. Til að fá útborgað um eitt hundrað krónur frá tónlistarstreymisveitu þarf lag að vera …

Árið 2023 varð metár í komum ferðamanna til hinnar fornu, fögru og söguríku Aþenu. Um sjö milljónir erlendra ferðamanna lentu á Aþenu-flugvelli sem kenndur er við Eleftherios Venizelos, 600 þúsundum fleiri en 2019. Bandaríkjamenn voru stærsti hópurinn, ein milljón, en næst á eftir komu 687 þúsund Bretar, 478 þúsund Þjóðverjar, 462 þúsund Frakkar og 410 …

Áætlun Ryanair á komandi sumarvertíð byggir á því að félagið fái að lágmarki 50 nýjar Boeing Max þotur en forstjóri flugfélagsins, Michael O'Leary, er svartsýnn á að það gangi eftir. Nýju þoturnar verði í besta falli fjörutíu en upphaflega hafði Boeing lofað 57 nýjum Max-þotum samkvæmt frétt Bloomberg. „Það hamlar vexti okkar að vita ekki …

Stellantis er einn stærsti bílaframleiðandi heims. Í viðtali við þýska blaðið Welt am Sonntag ítrekar Carlos Tavares, forstjóri Stellantis, stuðning samsteypunnar við banni við sölu á bílum knúnum bensíni og dísil árið 2035. Ummælin falla í tilefni af því að margir spá íhaldssveiflu í Evrópuþingskosningum í júní og að í framhaldi af því verði áformum …

Það vakti athygli að fáum dögum eftir lát eins af þekktari ritstjórum The New York Times, Joseph Lelyveld, streymdu inn á Amazon-netverslunina fjölmargar nýjar ævisögur ritstjórans. Lelyveld lést í janúar í ár og þegar bróðir hans Michael fór inn á netið fáum dögum eftir útför Josephs til að sjá hvernig samferðarmenn minntust bróðurins tók hann eftir …