Ódýrasta farið til Edinborgar, Gautaborgar, Kölnar, Lyon og Varsjár

Það stefnir í að það verði dýrara að fljúga til höfuðborgar Skotlands í sumar en það var í fyrra. 

Það stefnir í að það verði dýrara að fljúga til höfuðborgar Skotlands í sumar en það var í fyrra. Sömu sögu er að segja um Lyon og Varsjá. Þeir sem ætla til Gautaborgar borga minna en farmiðinn til Kölnar er á svipuðum nótum.

Á þessum tíma í fyrra og hittifyrra var ekki hægt að fá flug til Gautaborgar fyrir minna 40 þúsund krónur. Í dag má fá miða til sænskur borgarinnar í júní, júlí og ágúst fyrir rúmar 37 þúsund krónur. Til Kölnar má líka finna ódýrari miða en á sama tíma í fyrra en staðan er önnur ef ferðinni er heitið til Edinborgar, Lyon og Varsjár eins og sjá má á töflunum hér fyrir neðan. Tölurnar byggja á verðkönnunum sem Túristi framkvæmir í byrjun hvers árs. 

Í könnuninni voru fundnar ódýrustu ferðirnar, báðar leiðir, með brottför frá Íslandi í hverjum mánuði fyrir sig. Miðað er við að dvölin í útlöndum sé ein til tvær vikur. Heimferðin getur því verið í öðrum mánuði en brottförin t.d. ef ódýrasta ferðin út er í síðustu viku júnímánaðar og ódýrasta ferðin til Íslands er í fyrstu viku júlí. Farangurs- og bókunargjöldum er bætt við farmiðaverðið en þó ekki handfarangursheimild WOW air. Verðin voru fundin á heimasíðu flugfélaganna 17. janúar 2013, 16. janúar 2014 og 18. janúar 2015.

Edinborg: easyJet
Í júlí standa ódýrustu fargjöldin nánast í stað en hafa hækkað um nokkuð þúsund krónur í júlí og ágúst.

Gautaborg: Icelandair
Í fyrra stóðu fargjöldin til næst fjölmennstu borgar Svíþjóðar stóðu í stað en nú hafa þau lækkað um nærri þrjú þúsund krónur.

Köln: German Wings
Þýska lággjaldaflugfélagið er eitt eftir í Köln en áður hafa íslensk félög spreytt sig á þessari flugleið. Þeir sem ætla að heimsækja borgina í ágúst og bóka miða í dag borga minna en þeir sem voru í sömu sporum í fyrra og hittifyrra.

Lyon: WOW air
Það hefur orðið umstalsverð verðhækkun á lægstu fargjöldunum til Lyon í Frakklandi. Líkt og áður er WOW air eitt um flugleiðina og nú kostar að lágmarki 66 þúsund krónur að kaupa fara báðar leiðir í júlí og ágúst. Hækkun í ágúst nemur 12 þúsund krónum.

Varsjá: WOW air
Í dag er nokkru dýrara að bóka farmiða til höfuðborgar Póllands en það var í fyrra en þó ekki ef fara á út í lok ágúst.