Veturinn hefur verið nokkuð kaldur og vafalítið ófáir sem gætu hugsað sér páskafrí án snjókomu. Veturinn hefur verið nokkuð kaldur og vafalítið ófáir sem gætu hugsað sér páskafrí án snjókomu. Hér má sjá hvaða kostir eru í stöðunni fyrir þennan hóp fólks.
Það fóru nærri helmingi fleiri Íslendingar til útlanda í apríl í fyrra en í mars. Þá voru páskarnir um miðjan apríl en hefðu þeir verið í mars þá hefðu fleiri Íslendingar verið á ferðinni í þeim mánuði. Talningar Ferðamálastofu á Keflavíkurflugvelli síðustu ár sýna nefnilega að Íslendinga eru á faraldsfæti í páskamánuðinum. Þannig verður það örugglega líka í ár og nú þegar eru til að mynda sérferðir til Kína og Balí um páskana uppseldar og sömu sögu er að segja um ferðir til New York, Sankti Pétursborgar og Vínar.
Fleiri ferðir til Boston
Skírdagur er annan apríl í ár og sumaráætlun flugfélaganna hefst fjórum dögum áður. Úrvalið af beinu flugi eykst því nokkuð stuttu fyrir páska þó það nái ekki hámarki fyrr en í sumarbyrjun. Þeir sem vilja á eigin vegum út í byrjun apríl hafa engu að síður úr töluverðu að moða en sem fyrr er framboðið mest á flugi til London, Kaupmannahafnar og Oslóar. Ferðir til Boston verða einnig ennþá tíðari á þessum tíma því áætlunarflug WOW air til Boston hefst í lok næsta mánaðar. Í ár verður einnig í fyrsta skipti hægt að fljúga beint héðan til svissnesku borganna Basel og Genf yfir páska og Birmingham og Belfast á Bretlandseyjum. Icelandair flýgur til Birmingham en easyJet til hinna borganna.
Sérstakar Spánarferðir
Ef stefnan er sett suður á bóginn þá er hægt að komast í páskarferðir á meginland Spánar með þremur stærstu ferðaskrifstofum landsins. Heimsferðir fara til Barcelona, Úrval-Útsýn til Valencia og Vita til Alicante. Sem fyrr er einnig töluvert úrval af ferðum til Kanaríeyja og sérstaklega til Tenerife því vikulega munu þrjár vélar fljúga þangað frá Keflavík frá og með vorinu. Það verður því pláss fyrir hátt í sex hundruð farþega í hverri viku í þotunum sem taka stefnuna á Tenerife. Spænska lággjaldaflugfélagið Vueling
verður einnig með sérstaka aukaferð hingað til lands frá Barcelona dagana 2. til 5. apríl og kostar ódýrasti miðinn í dag tæpar 34 þúsund krónur en borga þarf aukalega fyrir farangur.
Úrval af golfferðum
Af heimasíðum stærstu ferðaskristofanna að dæma þá eru kylfingar orðnir óþreyjufullir að komast á grænt gras þegar komið er fram á vorið. Það er því töluvert framboð af golfferðum um páskana fyrir þá sem vilja nýta frídagana til að æfa sig fyrir sumarið.
En þó páskafríið sé langt má ekki gleyma að í apríl og maí eru fjórir rauðir dagar sem nýta má til að skreppa í stutta ferð til útlanda og þeir sem ekkert hafa bókað í dag eru líklegri til að finna ódýrari ferðir þá en um páskana.
Fyrir þá sem vilja ekki sjá páskahret
