Samfélagsmiðlar

Núna er langódýrast til Los Angeles og San Francisco

los angeles joe cooke

Í fyrsta skipti í nærri áratug er boðið upp á beint flug héðan til Kaliforníu og farmiðarnir kosta minnst næstu daga og vikur. Í fyrsta skipti í nærri áratug er boðið upp á beint flug héðan til Kaliforníu og farmiðarnir kosta minnst næstu daga og vikur.
Jómfrúarferð WOW air til bandarísku borgarinnar San Francisco var farin í gær og í næstu viku fer félagið sína fyrstu ferð til Los Angeles. Þar með býðst á ný beint flug milli Íslands og Kaliforníu, fjölmennasta fylkis Bandaríkjanna. En Icelandair flaug til San Francisco yfir sumarmánuðina árin 2005 til 2008. Í þær ferðir notaði Icelandair breiðþotu sem tók um 260 farþega en sæti eru fyrir 350 manns í þotunum þremur sem WOW air nýtir í sínar ferðir til þessara tveggja nýju áfangastaða á vesturströnd Bandaríkjanna. Og öfugt við Icelandair þá ætlar WOW air að starfrækja flugleiðirnar allt árið um kring og fljúga 5 ferðir í viku til San Francisco en fjórar til Los Angeles. Umsvif WOW í Kaliforníu verða því miklu meiri en hjá Icelandair á sínum tíma.

Út í næstu viku og heim í byrjun júlí

Þeir sem bóka í dag flugmiða með WOW til borganna tveggja í sumar þurfa að borga á bilinu 30 til 130 þúsund krónur fyrir hvora leið nema ferðinni sé heitið út núna í júní. Í næstu viku er nefnilega hægt að fá flug héðan til Los Angeles á 19.999 krónur en í þarnæstu viku er lægsta farið 10 þúsund krónum hærra og svo rýkur það upp í júlí og lækkar varla á ný fyrr en í lok ágúst samkvæmt athugun Túrista. Farmiðar í vélarnar sem fljúga heim á ný júní er hins vegar miklu dýrara en þeir sem dvelja úti fram í aðra viku júlí komast ódýrast frá ferðalaginu til Los Angeles og borga 57 þúsund krónur fyrir báðar leiðir. Til San Francisco er hins vegar hægt að komast fyrir 19.999 krónur flesta daga í júní en flugið heim er ódýrast fyrstu dagana í júlí. Þannig er hægt að fá farmiða út og heim aftur á um 44 þúsund krónur.

Aukalega fyrir töskuna

Hjá WOW air bætist hins vegar bókunargjald við allar pantanir og farþegar greiða líka fyrir innritaðan farangur og handfarangurs sem er þyngri en 5 kíló. Fyrir stóru töskurnar er greitt 6.999 kr. fyrir hvora leið og 4.999 kr. fyrir auka handfarangursheimild. Flugið til Los Angeles og San Francisco tekur um 10 tíma og er lagt í hann rétt fyrir fjögur seinnipartinn og lent í Bandaríkjunum skömmu fyrir klukkan sex að staðartíma. Á heimleiðinni er áætluð koma til Íslands rétt fyrir fimm að morgni.
SMELLTU TIL AÐ GERA VERÐSAMANBURÐ Á GISTINGU Í LOS ANGELES EÐA SAN FRANCISCO.

Nýtt efni

Í byrjun apríl tók Einar Örn Ólafsson við sem forstjóri Play eftir að hafa verið stjórnarformaður þess allt frá því að félagið hóf áætlunarflug fyrir bráðum þremur árum síðan. Stuttu eftir að Einar Örn settist á forstjórastólinn réði hann Sigurð Örn Ágústsson, fyrrum forstjóra Bláfugls, sem framkvæmdastjóra viðskiptaþróunar og gerði Arnar Má Magnússon að aðstoðarforstjóra. …

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …