Samfélagsmiðlar

Er mark takandi á „Black Friday“ tilboðum?

hotelrum nik lanus

Hótelstjórar líkt og kaupmenn auglýsa í dag háa afslætti af gistingu en það er ekki víst að kaupandinn fái samt bestu kjörin. Hótelstjórar líkt og kaupmenn auglýsa í dag háa afslætti af gistingu en það er ekki víst að kaupandinn fái samt bestu kjörin.
Ferðageirinn spilar líka út „Black Friday“ spilinu í dag og á netinu má finna alls kyns tilboð á gistingu og flugmiðum. Á hótelbókunarvef Expedia er til að mynda auglýstur 20 prósent afsláttur, í tilefni dagsins, á Hótel Sögu. Þrjár nætur yfir þriðju helgina í janúar eru þá fáanlegar á rúmar 67 þúsund krónur og tekið er fram að hefðbundið verð sé um 84 þúsund krónur. Hins vegar kostar alveg eins herbergi líka 67 þúsund krónur hjá Booking.com og Hotels.com jafnvel þó þar séu þessi kjör ekki merkt sem sérstakt tilboðsverð. Á heimasíðu hótelsins sjálfs er líka hægt að ganga að þessu sama verði. Sá sem telur sig vera að bóka einstakt „Black Friday“ tilboð hjá Expedia er því aðeins að borga hefðbundið verð.

Líka verðmunur í Kaupmannahöfn og Berlín

Ef ferðinni er heitið til Kaupmannahafnar þessa sömu helgi þá segist Booking.com geta boðið 39% afslátt af gistingunni á The Square við Ráðhústorgið. Þrjár nætur kosta þá um 45 þúsund krónur. Herbergið er þó fimm þúsund krónum ódýrara hjá Hotels.com, Expedia og á heimasíðu hótelsins sjálfs. Þar er að auki boðið upp á morgunmat með gistingunni. Annað dæmi er Lux 11 hótelið í Berlín. Á heimasíðu hótelsins eru þessar þrjár nætur á 34 þúsund en sá sem bókar á útsölum Booking.com, Hotels.com eða Expedia borgar aukalega 3 þúsund krónur eða nærri tíund. Bókunarvefurinn Tablet býður hins vegar bestu kjörin eða rúmar 32 þúsund. 
Eins og sjá má á þessum þremur dæmum þá er vissara að taka yfirlýsingar um tilboðs með fyrirvara og um leið gefa sér tíma til að bera saman kjörin. Og sá grunur læðist að manni að það sé ekki aðeins í ferðaþjónustunni þar sem loforð um háa afslætti séu ekki alltaf uppfyllt.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …