Samfélagsmiðlar

Hefja ekki á ný flug til Nice

nice 2

WOW air mun ekki taka upp þráðinn í sumar og bjóða upp á beint flug til frönsku Riveríunnar. WOW air mun ekki taka upp þráðinn í sumar og bjóða upp á beint flug til frönsku Riveríunnar.
Síðastliðið sumar var í fyrsta skipti boðið upp á áætlunarferðir héðan til Nice í Frakklandi en þá flugu þotur WOW air til borgarinnar alla fimmtudaga og sunnudaga. Vafalítið nýttu margir Íslendingar sér þessar ferðir í tengslum við EM í Frakklandi og sérstaklega fyrir sögufrægan leik Íslendinga og Englendinga þann 27. júní sl.
Í dag er hins vegar ekki hægt að bóka farmiða héðan með WOW til Nice og staðfestir Svanhvít Friðriksdóttir, upplýsingafulltrúi WOW, að ekki verði framhald á áætlunarfluginu til borgarinnar í sumar. 

Var góð viðbót

Þrátt fyrir stærð Frakklands, vinsældir landsins meðal erlendra ferðamanna og þá staðreynd að Frakkar eru fjórða fjölmennasta þjóðin í hópi túrista hér á landi þá hafa samgöngurnar héðan takmarkast við París auk sumarflugs WOW til Lyon. Flugið til Nice var því vafalítið kærkomið því það auðveldaði aðgengið að Rivíerunni, Provence héraði og þaðan eru líka tíðar ferjusiglingar til Korsíku. Borgin sjálf er líka vinsæll áfangastaður en nokkur samdráttur hefur orðið í ferðaþjónustunni þar eftir hryðjuverkaárásina á þjóðhátíðardegi Frakka þann 14. júlí í fyrra. Þá létust á níunda tug manna og meira en hundrað slösuðust þegar flutningabíl var ekið inn í mannfjölda.

Flogið til nágrannanna

En þrátt fyrir að ekkert verði úr fluginu til Nice í sumar þá hafa Íslendingar á leið til Frakklands í sumar úr töluverðu að moða því auk flugsins til Parísar og Lyon þá geta áætlunarferðir easyJet og Icelandair til Genfar komið að góðum notum því svissneska úraborgin er skammt frá landamærunum og sömu sögu er að segja um Baselflug easyJet. Svo er ekki ýkja langt frá Barcelona að landamærum Spánar og Frakklands og áætlunarflugið til Brussel gæti hentað þeim sem ætla að heimsækja nyrstu hluta Frakklands. En Icelandair flýgur beint til belgísku höfuðborgarinnar og þangað mun WOW air fara jómfrúarferð sína í sumarbyrjun.

Nýtt efni

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …

Farþegar á leið til New York frá Róm, París, Ósló, London, Berlín eða Aþenu geta flogið beint með norska lágfargjaldaflugfélaginu Norse Atlantic. Í mörgum tilfellum er félagið með ódýrustu sætin á þessum leiðum og keppir því við íslensku flugfélögin um þá farþega sem vilja komast á milli fyrir sem minnst og setja það ekki fyrir …

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …