Samfélagsmiðlar

Þangað getur þú flogið beint í vor, sumar og haust

flugtak 860 a

Þeir sem ætla til útlanda frá frá lokum mars og til enda októbermánaðar geta valið á milli reglulegra ferða til hátt í 90 áfangastaða. Þeir sem ætla til útlanda frá frá lokum mars og til enda októbermánaðar geta valið á milli reglulegra ferða til hátt í 90 áfangastaða.
24 flugfélög munu halda uppi áætlunarflugi héðan til 57 evrópskra áfangastaða og 27 í Norður-Ameríku í vor, sumar og haust. Þetta er töluverð viðbót við framboðið í fyrra og nú býðst farþegum hér á landi í fyrsta sinn beint flug til borganna Cork, Dresden, Katowice, Miami, Nurnberg, Philadelphia, Pittsburgh, Tampa og Trieste. Auk þess verður á ný hægt að fljúga beint til Prag en hins vegar verður ekki framhald á sumarflugi til Nice og Rómar.
Á mörgum flugleiðum hefur samkeppnin aukist frá því í fyrra og til að mynda munu þrjú flugfélög halda uppi áætlunarflugi frá Keflavíkurflugvelli til Toronto og Montreal, tveggja fjölmennustu borga Kanada. Icelandair og WOW air hafa líka fjölgað daglegum ferðum sínum til vinsælustu áfangastaðanna og þar með geta farþegar valið á milli nokkurra brottfara á degi hverjum til ófárra borga. Fyrir örfáum árum síðan var framboðið eingöngu svona mikið ef ferðinni var heitið til London og Kaupmannahafnar. 
Þrjú flugfélög fara jómfrúarferðir sínar til Íslands í sumar; Finnair frá Helsinki, Czech Airlines frá Prag og Air Canda frá bæði Toronto og Montreal og þar með verða flugfélögin á Keflavíkurflugvelli tuttugu og fjögur auk nokkurra í viðbót sem munu sinna leiguflugi á vegum íslenskra og erlendra ferðaskrifstofa. Miðað við hámarks farþegafjölda í hverri ferð þá verða sæti fyrr um 3,7 milljónir farþega í flugvélunum sem fljúga héðan á meðan sumaráætlunin er í gildi, frá lokum mars og til enda októbermánaðar. 
Eins og sjá má á kortunum hér fyrir neðan þá eru langflestir áfangastaðirnar á meginlandi Evrópu í vesturhluta álfunnar en fáir eru í austur- eða suðurhluta álfunnar. Hér má svo frá nánari upplýsingar um hvaða flugfélög fljúga hvert og á hvaða tímabili.

 

 
Nýtt efni

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …

Icelandair tekur í notkun þrjár nýjar Boeing Max þotur fyrir sumarvertíðina og sú fyrsta er komin til landsins en hún er fengin af lager flugvélaframleiðandans í Seattle. Hinar tvær eru splunkunýjar og segir Guðni Sigurðsson, talsmaður flugfélagsins, að þær séu báðar komnar af færibandinu og nú fari fram lokaskoðun á þeim. Von er á þessum …

Íslendingar hafa líklega önnur viðmið um það hvað sé hæfilega margt fólk samankomið á einum stað en þjóðir sem vanar eru meiri mannþröng og umferðarþunga alla daga. Sjálfsagt er það eigingjarnt og sjálfmiðað að ætlast til þess að fá að ganga einsamall í friði og ró niður Almannagjá á Þingvöllum á góðum sumardegi. Þeir dagar …

Frestur til að skila inn tilboðum í 35 prósent hlut Landsbankans í Keahótelin, eina stærstu hótelkeðju landsins, rann út fyrir síðustu jól. Ennþá er söluferlið í gangi samkvæmt svari frá bankanum en engar nýjar upplýsingar er að fá um stöðuna. Hluturinn í Keahótelunum var auglýstur til sölu í lok nóvember í fyrra og þá sagði …

Wizz Air er meðal þeirra flugfélaga í heiminum sem losa minnst af CO2 og hefur fengið alþjóðlegar viðurkenningar fyrir viðleitni til sjálfbærni. Þessi árangur skýrist fyrst og fremst af því að ungverska félagið er með nýjan flugflota í þjónustu sinni, aðallega Airbus A321neo sem flestar eru innan við fimm ára gamlar. Þá hjálpa góð sætanýting …

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …