Samfélagsmiðlar

LAVA á Hvolsvelli á topplista Lonely Planet

lava centre

Ef gjósa fer í Heklu eða Kötlu munu gestir LAVA geta fylgst með gosinu af útsýnispalli safnsins. Ferðaritið Lonely Planet segir safnið meðal mest spennandi nýjunga ársins. Ef gjósa fer í Heklu eða Kötlu munu gestir LAVA geta fylgst með gosinu af útsýnispalli safnsins. Ferðaritið Lonely Planet segir safnið meðal mest spennandi nýjunga ársins.
Þess er ekki langt að bíða að hægt verður að upplifa náttúruöflin með nýjum hætti á Hvolsvelli þegar Eldfjalla og jarðskjálftamiðstöð Íslands, eða LAVA eins og safnið kallast, opnar í sumarbyrjun. Þar gefst gestum kostur á að fræðast um jarðfræðina í stóru gagnvirku sýningarrými sem meðal annars inniheldur jarðskjálftahermi, möttulstrókinn undir Íslandi, kvikugang, hraunflæði og eldgosasýningu í sérstökum kvikmynda og fyrirlestrarsal. Ásbjörn Björgvinsson, sem leitt hefur verkefnið og er nú markaðsstjóri LAVA, segir að sér vitanlega sé hvergi annars staðar í heiminum til sambærilegt safn. En LAVA er meðal annars ætlað að höfða til þeirra fjölmörgu ferðamanna sem koma til landsins til að njóta og fræðast um þennan þátt í náttúru Íslands.

Mikilvægi Lonely Planet

Nýverið setti hið vinsæla og virta ferðarit Lonely Planet LAVA Centre á lista yfir 10 mest spennandi nýjungarnar í ferðaþjónustu í heiminum og segir Ásbjörn það hafa haft mikil áhrif. „Í framhaldinu komu hundruð pósta frá væntanlegum gestum eða ferðamönnum á leið til landsins sem vildu fá að vita meira. Svo grípa fleiri fjölmiðlar þetta upp og deila áfram og snjóboltinn fer að rúlla.” En gert er ráð fyrir að 70 til 80 þúsund gestir muni heimsækja LAVA fyrsta árið en að fjöldinn verði kominn upp í 200 til 300 þúsund gesti eftir nokkur ár. Þar af er búist við að um tíundi hver gestur safnsins verði Íslendingur að sögn Ásbjarnar.
Aðgangseyrir að safninu er 2.900 krónur er frítt er inn fyrir 11 ára og yngri og skólahópar fá afslátt.

Virk eldfjöll í grenndinni

Fjögur virkustu eldfjöll landsins munu vera í ham og segir Ásbjörn að aðstandendur safnsins hafa meðvitað reiknað með að það fari að gjósa fyrr en síðar og þá verði beintenging frá viðkomandi gosi í bíó og fundarsal LAVA. „Útsýnispallurinn á toppi hússins mun líka nýtast vel ef það fer að gjósa í Heklu eða Kötlu enda bein sjónlína til þessara eldstöðva.”
Sjá heimasíðu LAVA.
lava center yfir

Nýtt efni

Um síðustu mánaðamót var greint frá því á borgarvef Amsterdam að innan marka hennar væri að finna 10 snjalldælur sem ökumenn gætu nýtt sér án endurgjalds. Það sem greinir snjalldælu frá þessum hefðbundnu, sem ökumenn geta nálgast víða til að dæla lofti í bíldekkin, er að þær tryggja að þrýstingur sé réttur. Margir ökumenn hafa …

Eins og raunin var í gær, þá fá ferðamenn ekki að fara upp á Akrópólishæðina í Aþenu um miðjan daginn vegna óvenjulega mikils hita miðað við árstíma. Engum verður hleypt upp á hæðina frá hádegi til klukkan fimm síðdegis. Sama gildir um aðra fornleifastaði í landinu, sem ferðamenn sækjast eftir að skoða. Allir sem hafa …

Í byrjun síðasta vetrar hóf Easyjet að fljúga tvisvar í viku milli London og Akureyrar. Aldrei áður höfðu áætlunarferðir verið í boði á þessari flugleið og íbúar á Norðurlandi tóku þessari nýjung fagnandi og voru í meirhluta sætanna í þotum breska flugfélagsins. Þetta mátti sjá á tölum norðlenska gististaða því breskum gestum fjölgaði ekki ýkja …

Ákvörðun Evrópusambandsins um að leggja allt að 38,1 prósents viðbótartoll á kínverska rafbíla vekur áhyggjur margra í alþjóðlega viðskiptaheiminum. Verndartollum er ætlað að hemja samkeppni að utan, reisa varnir á heimavelli, en leiða auðvitað gjarnan til þess að mótaðilinn svarar fyrir sig. Það óttast einmitt evrópskir framleiðendur, sem háðir eru viðskiptum við Kína, að gerist …

Vorið 2021, stuttu áður en Play fór í loftið í fyrsta sinn, efndi félagið til hlutafjárútboðs þar sem söfnuðust 10 milljarðar króna. Í kjölfarið voru bréfin skráð á First North Growth í Kauphöllinni en um þann markað gilda ekki eins strangar reglur og Aðalmarkað Nasdaq. Í tengslum síðustu hlutafjáraukningu, sem lauk í apríl síðastliðnum, var …

Viðskiptastríð vesturveldanna og Kína heldur áfram að þyngjast því fyrr í dag gaf Evrópusambandið út að 38,1 prósent innflutningstollar yrðu lagðir á kínverska rafbíla frá og með næsta mánuði. Sú hækkun bætist við þann 10 prósent toll sem í dag ríkir á innflutning rafbíla frá Kína til aðildarríkja ESB. Þessi viðbótartollur hefur verið yfirvofandi síðustu …

Það var í júní 2014 sem breska lággjaldaflugfélagið Flybe, sem nú er gjaldþrota, hóf áætlunarflug til Íslands frá Birmingham. Flugleiðin stóð ekki undir væntingum stjórnenda Flyby og var lögð niður eftir níu mánuði. Þá tók Icelandair við keflinu og hélt úti tíðum ferðum milli Íslands og þessarar næstfjölmennustu borgar Bretlands fram í ársbyrjun 2018. Síðan …

Í Bandaríkjunum eru lestarsamgöngur ekki eins góðar og í Evrópu og þurfa þeir sem ætla að sækja komandi landsfundi Demókrata og Repúblikana annað hvort að keyra eða fljúga á fundarstað. Af þeim sökum hefur bandaríska flugfélagið United Airlines bætt við 118 flugferðum til og frá Chicago í ágúst í tilefni af landsfundi Demókrata. Repúblikanar hittast …