Samfélagsmiðlar

Nú samkeppni í flugi til 5 bandarískra borga

WOW air fór jómfrúarferð sína til Chicago í byrjun mánaðar og þar með geta farþegar á Keflavíkurflugvelli valið á milli tveggja til þriggja flugfélaga á fleiri flugleiðum til Bandaríkjanna. 

chicago 2

WOW air fór jómfrúarferð sína til Chicago í byrjun mánaðar og þar með geta farþegar á Keflavíkurflugvelli valið á milli tveggja til þriggja flugfélaga á fleiri flugleiðum til Bandaríkjanna.  Það er flogið til 15 borga frá Keflavíkurflugvelli sem er meira úrval en farþegar á stærstu flugvöllum frændþjóðanna hafa úr að moða sé ferðinni heitið vestur um haf. Megin ástæðan fyrir þessum góðum samgöngum milli Íslands og Bandaríkjanna er sú staðreynd að bæði Icelandair og WOW air eru stórtæk í fólksflutningum milli N-Ameríku og Evrópu. Icelandair flýgur þannig reglulega til 11 bandarískra borga og WOW air til átta. Í haust bætist svo Tampa í Flórída við leiðakerfi Icelandair. Auk þess flýgur hið bandaríska Delta Air Lines hingað frá New York allt árið um kring og frá Minneapolis yfir sumarmánuðina. Farþegar á leið héðan til þessara tveggja borga hafa því úr að velja áætlunarferðum tveggja til þriggja flugfélaga og sömu sögu er að segja um flug til Boston og Washington, þó þotur WOW lendi reyndar við Baltimore flugvöll skammt frá höfuðborginni. Og fyrr í þessum mánuði bættist svo við samkeppni á fimmtu flugleiðinni þegar WOW air hóf flug þangað en Icelandair bætti þeirri borg við leiðakerfi sitt í fyrra en þá voru 28 ár liðin frá því að flugfélagið hafði síðast boðið upp á áætlunarferðir til Chicago.
Bæði Icelandair og WOW air hafa aukið umsvif sín umtalsvert í Bandaríkjunum síðustu misseri og sennilega eru meiri líkur en minni að fleiri borgir þar í landi bætist við dagskrá flugfélaganna á næsta ári.

Nýtt efni

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …