Samfélagsmiðlar

Dregur úr væntingum þrátt fyrir aukið Íslandsflug

Á sama tíma og stærstu flugfélög Bretlands bæta við ferðum til Keflavíkurflugvallar þá verða breskir ferðasalar svartsýnni á sölu Íslandsferða. Skýringin á misræminu liggur mögulega í verðlagi hér á landi segir Inga Hlín Pálsdóttir hjá Íslandsstofu.

Mynd: Sigurjón Ragnar/sr-photos.com

Síðustu mánuði hefur dregið úr væntingum forsvarsmanna erlendra ferðaskrifstofa til sölu Íslandsferða. Þetta sýna niðurstöður kannana Íslandsstofu meðal söluaðila sem gerðar voru í desember sl. og aftur nú í júní. Á þessu hálfs árs tímabili lækkuðu væntingar breskra ferðasala einna mest eða um ríflega fjórðung. Það er meðal annars athyglisvert í ljósi þess að forsvarsmenn tveggja stærstu flugfélaga Bretlands ætla að bæta í Íslandsflugið í vetur. Þannig hefur British Airways tilkynnt að félagið muni fjölga ferðunum hingað frá London úr 7 í 16 ferðum í viku og flugáætlun easyJet fyrir Ísland er um fimmtungi umsvifameira núna en fyrir ári síðan. En breska lággjaldaflugfélagið flýgur hingað frá 8 breskum flughöfnum fyrir vetrarmánuðina.

Aðspurð um ástæður þessara ólíku væntinga segir Inga Hlín Pálsdóttir, forstöðurmaður hjá Íslandsstofu, að ekki sé hægt að gefa sér neitt í því en mögulega megi horfa til þess að flugverð er ekki eins bundið verðlagi hér á landi. „Ferðaheildsalar eru með fleiri þjónustuþætti í vörunni sinni sem eru tengdir verðlagi á Íslandi og hefur því líklega meiri áhrif á sölu þeirra og væntingar.“

Þrátt fyrir minni bjartsýni um eftirspurn eftir ferðalögum til Íslands þá sýndi könnun Íslandsstofu að um helmingur breskra ferðasala segist upplifa svipaða eða aukna sölu á ferðum til Íslands það sem eftir lifir árs og út veturinn. Meðal allra þátttakenda í könnuninni var hlutfallið hærra eða 73% en stöðugustu og mestu væntingarnar voru meðal svarenda í Norður-Ameríku því 93% þeirra segja söluna hafa aukist eða vera svipaða og áður.

Bretum fækkar áfram

Sé litið til talningar Ferðamálastofu á fjölda þeirra útlendinga sem flugu frá landinu í sumar þá er kannski ástæða fyrir aukinni svartsýnni meðal breskra ferðafrömuða á Íslandsferðir. Brottförum Breta fækkaði nefnilega um 14% síðustu fjóra mánuði og í ágúst nam samdrátturinn nærri 8 af hundraði. Það gerðist það þrátt fyrir að flugumferð milli Íslands og Bretlands hafi aukist um rúmlega fimmtung í síðasta mánuði samkvæmt talningu Túrista. Í ágúst fækkaði líka ferðum Frakka, Norðmanna og Svía frá Keflavíkurflugveli jafnvel þó flugsamgöngurnar hafi aukist frá því í ágúst í fyrra. Skýringin gæti legið í minni sætanýtingu og/eða fjölgun skiptifarþega .

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …