Samfélagsmiðlar

Spá því að ferðamet Íslendinga falli í júní

Ferðagleði landans hefur verið mjög mikil í ár og forsvarsmenn Keflavíkurflugvallar sjá fram á ennþá fleiri utanlandsferðir á því næsta.

Í júní í fyrra flugu 67 þúsund Íslendingar til útlanda frá Keflavíkurflugvelli og þar með féll ferðametið sem sett var í júní 2007 þegar íslensku farþegarnir voru nærri 55 þúsund. Þessi mikla bæting á gamla metinu skrifaðist að miklu leyti á þátttöku íslenska karlalandsliðsins á Evrópumótinu í knattspyrnu enda stóðu þúsundir Íslendinga á pöllunum í leikjum liðsins í Frakklandi. Í júní á næsta ári tekur liðið svo þátt í heimsmeistaramótinu í Rússlandi og þó samgöngurnar þaðan frá Íslandi séu af skornum skammti þá gera forsvarsmenn Isavia engu að síður ráð fyrir því tæplega 72 þúsund Íslendingar haldi út í heim í þeim mánuði. Þar með fellur ferðametið sem þá verður orðið tveggja ára.

Hversu stór hluti af þessum fjölda fer til Rússlands í júní ræðst af framboð á flugi en eina flugfélagið sem hefur boðið áætlunarflug milli Íslands og Rússlands næsta sumar er flugfélagið S7 sem mun fljúga hingað frá Moskvu á laugardögum. Í gær gaf Icelandair það svo út að félagið myndi fljúga að minnsta kosti eitt flug til þeirra þriggja borga í Rússlandi þar sem leikir Íslands í riðlakeppninni fara fram.

Í farþegaspá Isavia , sem kynnt var í gær, er gert ráð fyrir að rúmlega 666 þúsund Íslendingar flugi út í heim frá Keflavíkurflugvelli á næsta ári og yrði það aukning um rúm 8 prósent frá árinu í ár. Það er helmingi minni viðbót en verið hefur fyrstu 10 mánuði þessa árs en ferðagleði Íslendinga hefur verið mjög mikil í ár og um páskana fylltust til að mynda bílastæðin við Flugstöð Leifs Eiríkssonar í fyrsta skipti.

Nýtt efni

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Bláa lónið í Svartsengi hefur rýmt öll sín athafnarsvæði vegna jarðhræringa við Sundhnúkagígaröðina nú í morgun. Rýmingin gekk vel að því segir í tilkynningu og er gestum þakkaður góður skilningur á stöðunni, starfsmönnum fagleg vinnubrögð og viðbragðsaðilum gott samstarf. Bláa lónið er einn allra vinsælasti viðkomustaður ferðamanna hér á landi en vegna jarðhræringa á Reykjanesi …

Icelandair hefur gripið til hópuppsagna í dag og munu þær ná til ólíkra deilda innan fyrirtækisins að því segir í frétt Vísis. Þar er haft eftir Ásdísi Ýr Pétursdóttur, talskonu Icelandair, að dagurinn í dag sé erfiður en hún geti ekki tjáð sig nánar um stöðuna af virðingu við starfsfólkið. Heimildir FF7 herma að uppsagnirnar …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …