Samfélagsmiðlar

Á gönguskíðum um austurríska fjallasali

Þeim fer fjölgandi hér á landi sem fara á gönguskíði þegar snjóar og nú gefst tækifæri á að stunda sportið við framúrskarandi aðstæður í Austurríki.

Í byrjun hvers árs flykkjast Íslendingar upp í Alpana til að bruna niður brekkur en fjallgarðurinn hefur líka upp á margt að bjóða fyrir það skíðaáhugafólk sem vill ekki aðeins láta þyngdaraflið flytja sig úr stað. Troðin gönguspor tengja nefnilega saman fjallasali og þorp og það er leit að eins fallegu umhverfi til að ferðast um á gönguskíðum.

Í febrúar efna Bændaferðir til sérstakrar gönguskíðaferðar til Achensee í Austurríki og meðal fararstjóra verður Anna Sigríður Vernharðsdóttir. Túristi lagði fyrir hana nokkrar spurningar um ferðina.

Hver er ástæða þess að áhugi Íslendinga á skíðagöngu hefur aukist svona síðustu ár?
Ein möguleg ástæða fyrir auknum áhuga á skíðagöngu er þátttaka Íslendinga í Landvættaáskoruninni en ég held þó að það sé ekki eina skýringin. Eru Íslendingar ekki bara loksins að átta sig á hvað þetta er skemmtilegt og heilsusamlegt sport?

Hver er stóri munurinn á því að fara á gönguskíði í Bláfjöllum og Achensee?
Stóri munurinn er sá að þegar aðstæður eru góðar eru um 200 km af brautum í Achensee en um 20 km í Bláfjöllum. Í Achensee erum við að skíða í dölum, milli bæja, inni í bæjum, niður við vatn og inni í skógi. Það eru mjög svo ólíkar aðstæður. Þegar aðstæður eru góðar getum við því skíðað daglega í eina viku og farið alltaf mismunandi leiðir.

Hvernig verður prógrammið í Achensee? Getur fólk valið á milli margra ólíkra leiða?
Við skiptum hópnum upp í 2 hópa, annar hópurinn fer hægar og styttra og hinn fer hraðar og eitthvað lengra. Við munum einnig leiðbeina fólki eftir þörfum. Við byrjum alla daga á upphitun og göngum kannski 10-20 km fyrir hádegi. Við borðum saman hádegismat, ýmist í fjallaskálum eða á veitingahúsum í litlu bæjunum. Eftir hádegi höldum við svo áfram að ganga. Í lok dagsins teygjum við vel á þreyttum vöðvum og flestir fara svo í heilsulindina til að slaka á. Hópurinn borðar svo saman um kvöldið á hótelinu og við eigum notalega stund saman.

Hversu góðu formi verða þátttakendur í ferðinni að vera áður en lagt er í hann?
Þátttakendur þurfa að treysta sér til þess að vera úti og á hreyfingu í nokkra tíma á dag. Fólk þarf að vera fært um að ganga á skíðum en það er engin krafa um að fólk kunni fullkomna tækni.

Það er ekki alltaf einfalt að finna rétta áburðin undir gönguskíðin. Er hægt að fá góða aðstoð við þess háttar á skíðasvæðinu
Fararstjórar geta gefið leiðbeiningar varðandi val á áburði og einnig leiðbeint með að bera á skíðin.

Nánari upplýsingar um ferðina til Achensee má finna á heimasíðu Bændaferða.

 

Nýtt efni

Árið 1970 barst Pattie Boyd nafnlaust og dularfullt ástarbréf frá einhverjum sem þráði hana afar heitt. Vandinn var bara sá að Pattie var þegar gift öðrum manni og ekki ófrægum; hún og George Harrison gítarleikari The Beatles höfðu búið saman í sex ár þegar bréfið barst Pattie.  „Ég skrifa þér þessa orðsendingu í þeim megintilgangi …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …