Samfélagsmiðlar

Íslensku flugfélögin komast ekki til Kína og Japan

Fyrir Icelandair og WOW air er leiðin til Austurlanda fjær lokuð þar sem Rússar hafa ennþá ekki vilja veita íslenskum flugrekendum leyfi til að fljúga yfir landið. Það kann að skýra afhverju forsvarsmenn íslensku flugfélaganna horfa nú til Indlands.

Ennþá er bið á því að áætlunarflug til Peking hefjist frá Keflavíkurflugvelli.

Í byrjun desember hefst áætlunarflug WOW air til Nýju-Delí líkt og kynnt var í blaðamannafundi félagsins í indversku borginni í morgun. Þetta verður í fyrsta skipti sem íslenskt flugfélag býður upp á áætlunarferðir til Asíu ef frá er talið flug félagsins til Tel Aviv í Ísrael. Icelandair stefnir einnig á að hefja flug til Indlands næsta haust en áfram er leiðin héðan til Kína, Japan og S-Kóreu lokuð. Ástæðan er sú að rússnesk stjórnvöld hafa ekki ennþá gefið heimild fyrir flugi íslenskra flugfélaga yfir þetta víðfeðmasta land heims. En leiðin frá Keflavíkurflugvelli til fjölförnustu flughafnanna í Kína, Japan eða S-Kóreu liggur yfir Rússland.

Viðræður milli íslenskra og rússneskra stjórnvalda um samning um yfirflug fóru fram í sumarbyrjun í fyrra og aftur síðastliðið haust en samkvæmt svari frá utanríkisráðuneytinu þá liggur niðurstaða af þeim viðræðum enn ekki fyrir. Samkvæmt heimildum Túrista er líklegt að viðskiptabannið, sem er við lýði gagnvart Rússum, hafi dregið mjög úr áhuga Rússa á að gera samkomulag við Íslendinga. Það mun líka vera alþekkt í fluggeiranum að Rússar gera ekki samninga við flugfélög um yfirflug nema þau setji einnig áætlunarferðir til Rússlands á dagskrá. Jafnvel er gerð krafa um að Rússlandsfluginu hafi verið haldið úti um nokkurt skeið áður en grænt ljós er gefið á almennar ferðir í rússneskri loftsögu.

Það kostar líka sitt fyrir flugrekendur að fljúga yfir Rússland og getur gjaldið numið 7 til 10 þúsund krónum á hvern farþega, hvora leið. Það þýðir að rússnesk flugmálayfirvöld fengju hátt í 20 þúsund krónur af fargjaldinu sem rukkað væri fyrir beint flug frá Íslandi til Kína og aftur tilbaka. Reyndar mun ástandið í Kína einnig vera óvenjulegt því þar er erlendum flugfélögum stundum aðeins veittur aðgangur að flughöfnum landsins á ákveðnum dagspörtum. Og þar sem flugumferðin hefur verið að aukast verulega hefur þetta orðið til þess að seinkanir í Kínaflugi evrópskra flugfélaga eru oft töluverðar.

Eins og staðan er í dag er því Indland skásti kosturinn í Asíu fyrir íslensku flugfélögin og þangað horfa þau nú en WOW er vissulega komið skrefinu lengra enda byrjað að selja flugmiða til Nýju Delí.

Nýtt efni

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …