Samfélagsmiðlar

Baldanza ekki lengur sagður vera í stjórn WOW

Öfugt við það sem kom fram í útboðsgögnum og á heimasíðu WOW þá var Bandaríkjamaðurinn Ben Baldanza er ekki lengur í stjórn félagsins.

Ben Baldanza er ekki lengur á lista yfir stjórnarmenn í WOW.

Um miðjan ágúst var Ben Baldansa, stjórnarmaður í WOW, kynntur sem nýr maður í stjórn bandaríska flugfélagsins JetBlue. Þessi nýju störf hans höfðu þó engin áhrif á stöðu hans sem stjórnarmanns hjá WOW air samkvæmt svörum frá Svanhvíti Friðriksdóttur, upplýsingafulltrúa WOW. Það reyndist ekki rétt því Baldanza lét af stjórnarmennsku hjá WOW á sama tíma og hann tók sæti í stjórn Jet Blue. Þetta staðfesti Baldanza í viðtali við Túrista á laugardag en nafn hans var þá að finna í kynningu á skuldabréfaútboði WOW air og líka á heimasíðu félagsins.

Nú hefur nafn hans hins vegar verið fjarlægt af heimasíðu WOW og eru þar núna aðeins nöfn fjögurra stjórnarmeðlima. Einn þeirra er Helga Hlín Hákonardóttir, lögmaður, en hún ráðleggur fjárfestum og stjórnum um lögboðna og góða stjórnarhætti samkvæmt því sem segir á heimasíðu WOW. Í því ljósi óskaði Túristi eftir skoðun hennar á því að Baldanza hafi verið titlaður stjórnarmaður á heimasíðu og í útboðsgögnum þegar hann var það ekki. „Ben sat í stjórn þegar útboðsgögn voru undirrituð og gefin út. Þegar lá fyrir að hann hygðist segja sig úr stjórn var fjárfestum greint frá því. Ben hefur ekki sent tilkynningu um úrsögn sína til Fyrirtækjaskrár,“ segir Helga Hlín og bætir því við að stjórn WOW komi saman á næstu dögum til að undirrita formlega tilkynningu um brotthvarf Baldanza úr stjórninni.

Eins og Túristi greindi hins vegar frá í lok ágúst þá voru gerðar breytingar á útboðsgögnum eftir að þau voru fyrst birt og þau voru því ekki óbreytt allt frá undirritun stjórnarinnar. Ekki fengust viðbrögð frá Helgu Hlín á þá staðreynd.

Þess má geta að auk stjórnarsetu hjá WOW þá er Helga Hlín jafnframt stjórnarformaður VÍS.

 

 

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …