Samfélagsmiðlar

Ferðamálastjóri: Áhugi á Íslandsferðum eða ódýrt Íslandsflug

Þó ferðafólki hafi fjölgað umfram spár í september þá er ekki víst að skýringuna sé að finna í öðru en lágum fargjöldum. Ef svo er þá er þróunin áhyggjuefni að mati ferðamálastjóra.

Ferðamenn við Námaskarð

Í nýliðnum september innrituðu rúmlega 231 þúsund útlendingar sig í flug frá Keflavíkurflugvelli en á þeirri tölu byggir ferðamannatalning Ferðamálastofu. Aukningin nam um 14% frá sama tíma í fyrra sem er hlutfallslega tvöfalt meiri viðbót en ferðamannaspá Isavia gerði ráð fyrir. Fjölgunin var jafnframt mun meiri en mælst hefur aðra mánuði ársins að maí undanskildum og Skarphéðinn Berg Steinarsson, ferðamálastjóri, segist hugsi yfir tölunum.

„Ég velti fyrir mér hvort óvenju lág fargjöld skýri þessa aukningu í september frekar en áhugi á Íslandsferðum. Það þekkist svo sem víða að lág fargjöld ráði áfangastað. Ef svo er þá er þessi þessi þróun áhyggjuefni og spurning hversu sjálfbær vöxturinn er,“ segir Skarphéðinn. Vísar hann til þess að það sé meira virði að fá hingað ferðamenn sem eru að láta draum um Íslandsreisu rætast í stað þeirra sem hafa stökkið á tilboð á flugi.

Það er heldur engum blöðum um það að fletta að fargjöld eru lág. Það hefur til að mynda endurtekið komið fram í máli forsvarsmanna Icelandair. Í tilkynningu sem eigandi Primera Air sendi frá sér, eftir gjaldþrot flugfélagsins í byrjun mánaðarins, var fargjaldaþróunin nefnd sem ein af ástæðum þess að illa fór. Forsvarsmenn norska flugfélagsins Norwegian eru líka komnir upp við vegg því síðustu daga hafa greinendur bent á að lausafjárstaða félagsins sé slæm. Norska félagið hefur einmitt rutt veginn fyrir lággjaldaflugfélög í áætlunarferðum yfir Norður-Atlantshaf. Nýjasta dæmið eru svo hræódýr sæti í Bandaríkaflug WOW air þar sem farmiðar næstu daga eru seldir umtalsvert undir kostnaðarverði jafnvel þó stutt sé í brottför.

Bandaríkjamenn komast því ódýrt til Íslands og undanfarin misseri hafa það verið þeir sem haldið hafa uppi aukningunni í fjölgun ferðamanna. Í september komu hingað 25 þúsund fleiri ferðamenn frá Bandaríkjunum en á sama tíma í fyrra og hlutfallslega nemur viðbótin 45%. Framboð á flugi til Bandaríkjanna hefur líka stóraukist á sama tíma og í nýliðnum september var flogið hingað frá 24 bandarískum borgum en þær voru 18 síðastliðið haust. Í ferðum talið þá jókst framboðið um fimmtung samkvæmt talningum Túrista.

Önnur vísbending um að útlendingar taki ákvörðun um Íslandsferð með stuttum fyrirvara er hin háa nýting á hótelum Icelandair í september. Ein af skýringunum á þeirri þróun er sú staðreynd að fólk bókar gistingu með styttri fyrirvara og allt niður í samdægurs á landsbyggðinni líkt og fram kom í viðtali Túrista við Hildi Ómarsdóttur hjá Icelandair hótelunum.

Nýtt efni

Vaxandi óánægju gætir meðal leigusala og húsnæðismiðlara í Bandaríkjunum með það ægivald sem Airbnb hefur á skammtímaleigumarkaðnum. Margir eru sagðir leita leiða til að afla leigutekna utan eða meðfram kerfi bandaríska risans, sem gerir stöðugt meiri kröfur til þeirra sem leigja út vegna þrýstings frá samfélögum sem stynja undan umfangi og markaðsáhrifum skammtímaleigu til ferðafólks.  …

Flugsamstæðan Air France KLM hefur greint frá því að rekstrarhagnaður á síðasta ársfjórðungi hafi minnkað um 30% og er það verri afkoma en flugmálasérfræðingar bjuggust við. Helstu skýringar eru sagðar aukinn starfskostnaður og hærra olíuverð en búist var við. Þetta er veruleiki sem önnur flugfélög hafa almennt verið að kljást við. Á öðrum ársfjórðungi nam …

Þegar stjórnendur Play kynntu í apríl sl. uppgjör fyrirtækisins fyrir fyrstu þrjá mánuði ársins þá brugðu þeir út af vananum og birtu engan árshlutareikning. Þar með fengu fjárfestar og greinendur ekki aðgang að uppfærðum efnahagsreikningi fyrir flugfélagið þar sem meðal annars eigna- og skuldastaða kemur fram. Um leið fengust ekki upplýsingar um hvert eiginfjárhlutfall félagsins …

Suður-kóreski rafhlöðuframleiðandinn LG Energy Solution (LGES) á í viðræðum við þrjá ónefnda kínverska birgja um að framleiða ódýrar bílarafhlöður fyrir Evrópumarkað og bregðast þannig við hærri verndartollum Evrópusambandsins á rafbíla frá Kína.  Þetta hefur Reuters-fréttastofan eftir háttsettum heimildarmanni innan LGES, sem er í hópi stærstu rafhlöðuframleiðenda heims ásamt CATL í Kína, Panasonic í Japan og …

Þó margir njóti guðaveiga í sumarfríinu þá er hásumarið rólegur tími í heimi vínviðskipta. Það er löngu búið að ganga frá sölu á framleiðslu liðins árs en beðið tíðinda af næstu vínuppskeru. Þegar horft er á heildina þá hefur dregið úr vínsölu vegna efnahagsþrenginga og breyttra neysluhátta. En loftslagsbreytingar valda vínbændum víða erfiðleikum og hafa …

Það kemur skýrt fram í afkomutölum rafbílaframleiðandans Tesla að hægt hefur á orkuskiptum í bílasamgöngum. Á fyrri helmingi ársins hefur Tesla selt um 831 þúsund rafbíla en Elon Musk hafði spáð því að á árinu öllu myndu seljast um 1,8 milljónir bíla. Það vantar því enn mikið upp á að sú spá rætist. Sala Tesla …

Áður en Play fór í loftið sumarið 2021 var efnt til hlutafjárútboðs þar sem söfnuðust 10 milljarðar króna. Umsjón með útboðinu höfðu Arctica Finance og Arion banki en þessi tvö fjármálafyrirtæki komu einnig að fjármögnun Wow Air á sínum tíma. Í útboði meðal almennings reyndist umframeftirspurnin áttföld. Í kynningarefni sem fylgdi hlutafjárútboðinu var aðeins ein …

„Okkur er ánægja að tilkynna um fjölgun A350-900-véla í utanlandsflugi og A321neo í innanlandsflugi,“ segir Yukio Nakagawa, innkaupastjóri Japan Airlines, í tilkynningu félagsins um samninga við Airbus um kaup á nýjum þotum. „Með því að flýta því að taka í notkun nýjustu og sparneytnustu flugvélarnar viljum við veita viðskiptavinum okkar besta hugsanlegu þjónustu um leið …