Samfélagsmiðlar

Icelandair birtir niðurstöður besta fjórðungs ársins

Í lok dags er von á tilkynningu frá Icelandair Group um afkomuna félagsins síðustu þrjá mánuði. Félagið hefur ekki ennþá varpað ljósi á áform sín á næsta ári.

Það hefur ríkt mikil spenna á íslenskum flugmarkaði síðustu mánuði eða allt frá því Icelandair tilkynnti um mitt sumar að tapið á fyrri helmingi ársins hefði numið 6,3 milljörðum og afkomuspá ársins var lækkuð. Á sama tíma komu forsvarsmenn WOW loks út með tölur síðasta árs sem sýndu að félagið hafði verið rekið með rúmlega 2,3 milljarða kr. tapi í fyrra. Á því ári voru skilyrði til flugrekstrar hins vegar mun hagfelldari en þau eru nú og þá skilaði Icelandair til að mynda hagnaði upp á 3,9 milljarða kr.

Í lok sumars hófst svo skuldabréfa útboð WOW air og segja má að þjóðin hafi fylgst náið með gangi mála enda fór útboðið eiginlega fram fyrir opnum tjöldum. Niðurstaðan af útboðinu var sú að félagið náði lægri mörkum þeirrar fjármögnunar sem stefnt var að eða um 50 milljónum evra sem jafngildir um 6,4 milljörðum króna. Auk þess stóð til að selja bréf aukalega fyrir fimmtung af þeirri upphæð en ekki fást svör við því hvort það hafi gengið eftir.

Í kynningu á fyrrnefndri útboðskynningu WOW air var gert ráð fyrir miklum viðsnúningi í rekstri félagsins á þriðja fjórðungi þessa árs og miðað við yfirlýsingar má gera ráð fyrir að niðurstaðan verði birt opinberlega á næstunni. Þessi ársfjórðungur er jafnframt sá besti í rekstri evrópskra flugfélaga enda nær hann yfir stærsta hluta sumarsins. Í dag kemur í ljós hvernig stjórnendum Icelandair tókst til í sumar því þá verður birt kauphallartilkyning um afkomuna á þessum þriðja fjórðungi ársins.

Beðið eftir áætlun næsta árs

Á haustin hafa forsvarsmenn Icelandair haft þann háttinn á að birta upplýsingar um flugáætlun komandi árs. Í fyrra kom þessi árlega tilkynning þann 13.október og árið á undan þann 3. október. Árin tvö þar á undan var hulunni svipt af áformum komandi árs strax í byrjun september en núna hefur hins vegar ekkert heyrst um hvernig framboð félagsins, í sætum talið, mun þróast á næsta ári. Félagið hefur þó boðað breytta flugtíma á Keflavíkurflugvelli því auk hefðbundinna brottfarartíma snemma morguns og síðdegis, verður frá og með maí 2019, boðið upp á flug til Evrópuborga um klukkan hálf ellefu að morgni og til Norður-Ameríkuborga um klukkan átta að kvöldi.

Skúli Mogensen, forstjóri og eini eigandi WOW air, gaf það hins vegar út í viðtali við RÚV í síðustu viku að flugáætlun félagsins gerði ráð fyrir 15 prósent framboðsaukningu á næsta ári.

Nýtt efni

Ítalía var mesta vínframleiðsluland heims 2023 en þurfti að sætta sig við að sala dróst saman. Það var reyndar staðan hjá flestum vínframleiðsluþjóðunum. Nú liggja fyrir tölur frá helstu markaðslöndum ítalskra vínframleiðenda: Bandaríkjunum, Þýskalandi, Bretlandi, Kanada og Japan, en samanlagður útflutningur til þessara landa nemur 56 prósentum af heildinni. Til samanburðar vega þessi markaðslönd 50 prósent …

Hann var nýorðinn 14 ára gamall þegar eitt af stóru félögunum í Belgíu, Genk, hafði samband við hann og bauð honum pláss í fótboltaakademíunni sem hafði þá mjög góðan orðstír. Það tók Kevin de Bruyne nokkurn tíma að sannfæra foreldra sína um að það væri góð hugmynd fyrir hann að flytja frá Drongen til að …

Play leitar nú fjárfesta sem vilja leggja félaginu til 1,4 milljarða króna í það minnsta. Stærstu hluthafarnir hafa gefið vilyrði sitt fyrir innspýtingu upp á 2,6 milljarða kr. en sú viðbót er háð því skilyrði að það safnist alla vega 4 milljarðar í nýtt hlutafé. Áður höfðu stjórnendur Play gefið út að þeir þyrftu þrjá …

Mikil umferð farþega var um evrópska flugvelli í janúar, víða fór farþegafjöldinn fram úr því sem var í sama mánuði 2019. Um 46 flugvöllum á Spáni, sem AENA starfrækir, var farþegafjöldinn 18,6 milljónir, sem er 10 prósentum fleiri en í janúar í fyrra. Flestir fóru um flugvöllinn í Madríd nú í janúar síðastliðnum, nærri 4,8 …

Það sem af er ári hefur hægt á eftirspurn á rafbílamarkaði heimsins og framleiðendur bregðast við með því að segja upp starfsfólki, minnka framleiðslukostnað og breyta áætlunum sínum. Þetta bakslag gæti seinkað orkuskiptum í vegasamgöngum.  Þýski gæðabílaframleiðandinn Mercedes-Benz tilkynnti í gær að markmiðum um rafbílavæðingu yrði frestað um fimm ár og sjá til þess að …

Stjórn Volvo Cars ætlar að láta af því verða að minnka hlutinn í sænska rafbílaframleiðandanum Polestar en áformin voru fyrst kynnt í byrjun þessa mánaðar. Fjárfestar tóku tíðindunum vel því hlutabréfin í Volvo hækkuðu í kjölfarið um fjórðung. Endurteknar hlutafjáraukningar Polestar hafa nefnilega haft neikvæð áhrif á gengi Volvo í kauphöllinni í Stokkhólmi samkvæmt frétt …

Notkun á sjálfbæru eldsneyti er besta leiðin til að draga hratt úr losun frá flugsamgöngum, segir Willie Walsh, framkvæmdastjóra Alþjóðasambands flugfélaga, IATA. Hann ræddi mikilvægi þess að minnka losun í ávarpi sínu á flugmálaráðstefnu Changi í Singapúr í vikunni.  Willie Walsh undirstrikaði í ávarpi sínu að flugheimurinn stefndi staðfastlega að kolefnishlutleysi árið 2050: „Við megum …

Vesturland er í útjaðri meginstraums erlendra ferðamanna sem koma til Íslands. Flestir eru þeir á Suðvesturlandi, fara Gullna hringinn og meðfram suðurströndinni - en auðvitað aka margir þeirra eftir Hringveginum í gegnum Borgarfjörð eða halda upp á Snæfellsnes - og áfram sem leið liggur til Vestfjarða með ýmsum útúrdúrum. Við ætlum sem sagt ekki að …