Samfélagsmiðlar

Þunnskipaðri þotur

Farþegum WOW air fækkaði hlutfallslega meira en sem nemur samdrætti í flugi félagsins í janúar.

wow radir

Það voru fleiri laus sæti í þotum WOW air í nýliðnum janúar en verið hefur á þessum tíma árs.

Farmiðaverðið hjá WOW air hefur verið lágt síðustu misseri og eins hefur flugfélagið dregið úr framboði og sameinað ferðir. Þrátt fyrir það lækkaði sætanýtingin hjá flugfélaginu í síðasta mánuði niður í áttatíu prósent samkvæmt því sem segir í tilkynningu. Svo lág hefur nýtingin ekki verið hjá WOW air í janúar síðan félagið hóf að birta mánaðarlegar farþegatölur árið 2016.

Það var reyndar vitað að tölurnar hjá WOW air í janúar yrðu verri en oft áður. Isavia gaf það út að sætanýting í Íslandsflugi hefði lækkað í síðasta mánuði og skýringuna á því var ósennilega bara að finna í lækkun hjá Icelandair. Þar mældist nú rétt um 72 prósent eða 8 prósentustigum lakari en hjá WOW. Við samanburð á þessum tveimur flugfélögum ber þó að hafa í huga að lággjaldaflugfélög eru oftast með nokkru hærri nýtingu en þessi hefðbundu vegna þess að farmiðaverðið er alla jafna lægra.

Síðustu vikur hefur flugfloti WOW air dregist saman um 8 þotur og í kjölfarið hafa verið gerðar breytingar á flugáætlun félagins. Af þessum sökum drógst framboð á flugsætum hjá WOW air saman um fjórðung í janúar samkvæmt því sem fram kemur í tilkynningu. Gera má ráð fyrir framboðið minnki ennþá meira í febrúar því í síðasta mánuði fór félagið sínar síðustu ferðir til nokkurra áfangastaða, t.d Los Angeles, St. Louis og Chicago. Farþegaspá Isavia gerir líka ráð fyrir töluvert færri farþegum í febrúar.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …