Samfélagsmiðlar

Telja stefna í offramboð á flugi Tenerife

Það verða sæti fyrir um þrettán hundruð farþega í þotum Norwegian sem munu fljúga milli Íslands og Kanaríeyja í vetur. Forsvarsfólk stærstu ferðaskrifstofa landsins telur ekki vera markað fyrir svona mörg sæti.

Frá sundlaugarbakka á Tenerife.

Norska lággjaldaflugfélagið Norwegian tilkynnti í þarsíðustu viku að í vetur myndu þotur félagsins fljúga alla daga vikunnar milli Íslands og Kanaríeyja. Til Tenerife verður farnar fimm ferðir í viku og tvær til Las Palmas. Flugfélagið notar 186 sæta Boeing þotur í þessar ferðir og þar með sæti fyrir 372 farþega í viku hverri til Las Palmas á Gran Canaria og ríflega níu hundruð sæti til Tenerife.

Norwegian hefur verið stórtækt í Spánarflugi héðan síðustu tvö ár og boðið upp á áætlunarferðir til Madríd, Barcelona og Alicante. Og ljóst var að í vetur myndi flugfélagið ferja viðskiptavini Heimsferða til Kanaríeyja. Nokkrum dögum fyrir fall WOW air þá tilkynnti Heimsferðir nefnilega að samningar hefðu náðst við Norwegian um eina vikulega ferð til Tenerife og aðra til Las Palmas í vetur. Ætlunin var að þotan og áhöfnin, sem sjá átti um flugið, myndi koma frá Kaupmannahöfn. Nú er hins vegar ljóst að Norwegian ætlar sér sjálft stóra hluti á íslenska sólarlandamarkaðnum og hefur talskona félagsins staðfest að þotan og áhöfnin komi hingað beint frá Spáni en ekki Danmörku.

Aðspurður um þessar miklu vendingar þá segir Tómas J. Gestsson, forstjóri Heimaferða, að það hafi einfaldlega verið hagkvæmara fyrir Norwegian að flytja vél frá Kanaríeyjum en frá Kaupmannahöfn. „Við gerðum samning um tvö flug í viku, sem er hæfilegt magn sæta fyrir Heimsferðir og þeir standa við þann samning.“ Varðandi allar hinar fjórar brottfarirnar til Tenerife, og þá samkeppni sem Norwegian mun óhjákvæmlega veita Heimsferðum, þá segir Tómas að það sé ekki ferðaskrifstofunnar að ákveða hvert Norwegian fljúgi. „Það mun svo koma í ljós hvort það sé markaður fyrir svo mörg flug til Tenerife, við teljum svo ekki vera, enda eru Norwegian þekktir fyrir að breyta sínum flugáætlunum ef flug seljast ekki sem skyldi.“

Þórunn Reynisdóttir, forstjóri Úrval-Útsýn, er hins vegar ekki á því að Norwegian felli niður flug þó félagið hafi vissulega hætt með áfangastaði frá Keflavíkurflugvelli. „Það hafa önnur flugfélög líka gert og það gæti vissulega líka gerst með Kanaríflugið,“ bætir Þórunn við. Hún staðfestir að Úrval-Útsýn muni kaupa sæti hjá Norwegian fyrir þá farþega sem það kjósa enda selji ferðaskrifstofan flug með öllum þeim flugfélögum sem fljúga frá Keflavíkurflugvelli.

Að mati Þórunnar er framboðið hjá Norwegian í vetur þó gríðarlegt og sennilega of mikið. „Norwegian hlýtur að hafa stúderað markaðinn vel því varla er ætlunin að fljúga tómum þotum. Okkar reynsla hefur verið sú að til Tenerife og Las Palmas hefur, á ákveðnum tímabilum, verið of mikið af sætum. Aðspurð um hvort það gæti komið til verðstríðs í sólarlandaflugi í vetur þá segir Þórunn að það eigi eftir að koma í ljós því sala flugsæta sé rétt að hefjast. „Við erum ferðaskrifstofa og erum sífellt að skoða verðlagninguna og hömrum á betri kjörum, bæði hjá Norwegian og Icelandair, fyrir viðskiptavini okkar.“

Úrval-Útsýn hefur undanfarin misseri verið með umtalsverðan hluta af sætunum í þotum Icelandair sem fljúga fyrir systurfyrirtækið Vita til Spánar. Stjórnendur Icelandair boðuðu strax í kjölfar gjaldþrots WOW air að þeir ætluðu sér stóra hluti í flugi til Suður-Evrópu í samstarfi við Vita. Nú nærri þremur mánuðum síðar hefur hulunni ekki ennþá verið svipt af þessum áætlunum og það kann að vera ein af skýringum þess að Norwegian beið ekki boðanna líkt og Túristi fjallaði um í síðustu viku.

Samkvæmt talningu Túrista verða farnar 29 ferðir héðan til Tenerife í janúar á næsta ári en þær voru 25 í janúar í ár. Í þeim mánuði fjölgar brottförunum til Kanarí úr 12 í 13. Þess ber að geta að þó Norwegian ætli fimm ferðir til Tenerife í viku þá selur flugfélagið aðeins sæti í fjórar því sú fimmta virðist frátekin fyrir farþega Heimsferða eins og staðan er í dag.

Nýtt efni

Árið 1970 barst Pattie Boyd nafnlaust og dularfullt ástarbréf frá einhverjum sem þráði hana afar heitt. Vandinn var bara sá að Pattie var þegar gift öðrum manni og ekki ófrægum; hún og George Harrison gítarleikari The Beatles höfðu búið saman í sex ár þegar bréfið barst Pattie.  „Ég skrifa þér þessa orðsendingu í þeim megintilgangi …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …