Samfélagsmiðlar

Áfram dregur Norwegian úr Ameríkuflugi

Kyrrsetningin á Boeing MAX þotunum er megin skýringin á því að Norwegian dregur saman seglin á Írlandi. Ástandið á þotunum olli líka miklu búsifjum hjá stærsta ferðaskipuleggjanda Evrópu sem metur tjónið á hverja MAX vél tvöfalt hærra en stjórnendur Icelandair hafa gert.

Strax um miðjan næsta mánuð leggur Norwegian niður allt áætlunarflug frá írsku borgunum Dublin, Cork og Shannon yfir á austurströnd Norður-Ameríku. Þessi breytingu skrifa stjórnendur flugfélagsins á kyrrsetningu Boeing MAX þotanna enda byggði Ameríkuflugið frá írsku borgunum á þessum nýju flugvélum. Eldri Boeing 737 þotur Norwegian eru ekki nógu langdrægar til að fylla skarðið sem MAX þoturnar skilja eftir sig í flugflota norska lággjaldaflugfélagsins.

Samkvæmt frétt Irish Times gætu 134 flugliðar Norwegian á Írlandi misst vinnuna vegna þessara breytinga á leiðakerfi flugfélagsins. Til viðbótar við niðurskurði þar þá hefur Norwegian dregið umtalsvert úr Ameríkuflugi frá Skandinavíu og Skotlandi sem gæti m.a. opnað tækifæri fyrir Icelandair í Edinborg.

Áætlunarflug Norwegian milli Írlands og Norður-Ameríku á sér aðeins tveggja ára sögu og ekki munaði miklu á að félagið yrði í harðri samkeppni við WOW air í upphafi útgerðarinnar. Skúli Mogensen hafði nefnilega uppi áform um að opna aðra starfstöð þar sem hann taldi að stærð Keflavíkurflugvallar hamlaði frekari vexti WOW. Í viðtali við Independent í ársbyrjun 2017 sagði Skúli að Dublin væri einn af þeim þremur stöðum sem væri til skoðunar sem ný heimahöfn WOW air. Á þessum tíma var WOW air einnig að hefja áætlunarflug til Cork en sú flugleið varð skammlíf.

Þessi mikli niðurskurður hjá Norwegian á Írlandi er ekki einu neikvæðu fréttirnar sem bárust í gær af afleiðingu kyrrsetningar MAX þotanna á rekstur flugfélaga. Nýtt ársfjórðungs uppgjör ferðaskrifstofurisans TUI litast nefnilega verulega af flugbanninu sem nú hefur verið í gildi í fimm mánuði. Stjórnendur TUI telja að neikvæð áhrif kyrrsetningarinnar nemi um 20 milljörðum króna (144 milljónum evra) á síðusta ársfjórðungi. Það jafngildir um 1,3 milljörðum kr. á hverja MAX þotu sem TUI hefur fengið afhenda. Það er um tvöfalt hærri upphæð en í mati stjórnenda Icelandair á neikvæðum áhrifum MAX krísunnar á sitt félag á öðrum ársfjórðungi. Sú áætlun var þó töluvert hærri en það mat sem stjórnendur Norwegian gáfu út. Í ljósi nýboðaðs niðurskurðar hjá norska flugfélaginu á Írlandi þá má velta fyrir sér hvort sú tala verði endurskoðuð.

Nýtt efni

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …

Farþegar á leið til New York frá Róm, París, Ósló, London, Berlín eða Aþenu geta flogið beint með norska lágfargjaldaflugfélaginu Norse Atlantic. Í mörgum tilfellum er félagið með ódýrustu sætin á þessum leiðum og keppir því við íslensku flugfélögin um þá farþega sem vilja komast á milli fyrir sem minnst og setja það ekki fyrir …

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …