Samfélagsmiðlar

Seinkun á MAX þotum skýrði þá lítinn hluta af afkomubatanum

Það mátti skilja kauphallartilkynningu Icelandair á sunnudagskvöld á þann hátt að tilfærsla á kostnaði væri megin skýringin á minni taprekstri í ár. Það var þó ekki aðalástæðan og ennþá er reyndar óljóst hvernig landið liggur vegna trúnaðar um skaðabætur frá Boeing. Svo virðist sem önnur flugfélög hafi ekki ennþá tilkynnt um þess háttar bætur.

MAX þotur við verksmiðjur Boeing.

Gengi hlutabréfa í Icelandair tók kipp á mánudag eftir að félagið sendi frá sér tilkynningu þar sem fram kom að tapið á árinu yrði ekki á bilinu 9 til 11 milljarðar króna, eins og áður hafði verið spáð, heldur 4,4 til 6,9 milljarðar kr. Af tilkynningunni mátti ráða að helsta skýringin á þessum nærri fjögurra milljarða króna viðsnúningi væri sá að kostnaður við innleiðingu MAX þotanna í flota félagsins myndi úr þessu ekki falla til að þessu ári heldur færast yfir á það næsta.

Þannig voru tíðindin m.a. túlkuð í frétt Kjarnans og Viðskiptablaðið hafði það eftir Sveini Þórarinssyni, sérfræðingi Landsbankans, að mörgum spurningum væri enn ósvarað varðandi afkomu Icelandair eftir þessa tilkynningu. Hér á síðunni var því haldið fram að hærra farmiðaverð hlyti líka að hafa sitt að segja.

Það reyndist þó ekki vera rétt því tekjur á hvern farþega hjá Icelandair á þriðja ársfjórðungi drógust saman ef horft er til þess að bætur frá Boeing voru færðar sem tekjur. Og ekki virðist sem tilfærsla á kostnaði vegna innleiðingar MAX þotanna hafi heldur vegið eins þungt og skilja mátti í upphafi. Á fundi með fjárfestum í morgun kom það nefnilega fram í máli stjórnenda Icelandair að þessi kostnaðarliður næmi í mesta lagi 10 milljónum dollara. Það er um 1,2 milljarðar króna.

Aðspurður um þennan mismun þá segir Bogi Nils Bogason, forstjóri Icelandair, að í tilkynningunni hafi verið tilteknar nokkrar ástæður fyrir afkomubatanum og þær hafi ekki einungis snúið að tilfærslu á þeim kostnaði sem hlýst af MAX kyrrsetningunni.

Í því samhengi má benda á að í tilkynningunni sagði líka að rekja mætti batann í rekstrinum til umbóta í leiðakerfinu og bættrar tekjustýringar og þá sérstaklega á síðasta fjórðungi ársins.

En sem fyrr segir þá voru skaðabætur frá Boeing færðar sem farþegatekjur að hluta í uppgjöri fyrir þriðja ársfjórðung en einnig til lækkunar á kostnaði. Um er að ræða bætur sem Icelandair samdi um við Boeing í haust en í gær var jafnframt tilkynnt um nýtt samkomulag um sárabætur frá flugvélaframleiðandanum.

Það vekur hins vegar athygli að það virðist sem Icelandair sé einn af fyrstu viðskiptavinum Boeing, ef ekki sá fyrsti, til að ganga frá samningum við Boeing um skaðabætur vegna MAX þotanna. Alla vega er ekki að finna neinar tilkynningar til um þess háttar á fjárfestasíðum bandarískra og evrópskra flugfélaga samkvæmt því sem Túristi kemst næst.

Hver er skýringin á því? „Við getum ekki tjáð okkur um hvernig önnur flugfélög, sem eru með MAX, nálgast samningaviðræður við Boeing. Við höfum ákveðið að fara þessa leið en ljóst er að endanlegar niðurstöður viðræðnanna munu ekki liggja fyrir fyrr en kyrrsetningunni hefur verið aflétt og heildartjónið liggur fyrir,“ segir Bogi Nils í svari til Túrista.

Nú getur þú tekið þátt í að styrkja og efla útgáfu Túrista

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …