Samfélagsmiðlar

Skera niður allt Ameríkuflug frá Kaupmannahöfn og Stokkhólmi

Skandinavía er of lítil fyrir útgerð á áætlunarflugi til Norður-Ameríku og Asíu frá þremur mismunandi flugvöllum. Þessi stefnubreyting léttir pressuna á Icelandair í Skandinavíu.

Ein af Dreamliner þotum Norwegian.

Það gekk ekki hnökralaust fyrir sig hjá Norwegian að hefja flug yfir Norður-Atlantshafið fyrir sex árum síðan. Biðin eftir fyrstu Boeing Dreamliner þotunum reyndist nefnilega mun lengri en upphafleg áætlun gerði ráð fyrir. Hluti af fyrstu breiðþotum Norwegian af þessari gerð voru einmitt keyptar af Icelandair Group á sínum tíma. Þessar flugvélar hafa ekki reynst nógu vel og Rolls-Royce hreyflar þeirra bila reglulega. Og það mun vera ein af ástæðum þess að stjórnendur norska flugfélagsins hafa ákveðið að leggja niður allt Ameríku- og Asíuflug frá Kaupmannahöfn og Stokkhólmi.

Ósló verður hér eftir eini skandinavíski flugvöllurinn sem Norwegian býður upp á flug til annarra heimsálfa samkvæmt tilkynningu frá félaginu. Þar segir að þrátt fyrir aukna eftirspurn eftir flugi Norwegian milli Bandaríkjanna og Evrópu þá sé Skandinavía einfaldlega ekki nógu stórt markaðssvæði fyrir Ameríkuflug frá þremur ólíkum flugvöllum. Danskir og sænskir farþegar Norwegian verða þá hér eftir að fljúga til Gardermoen í Ósló áður en flogið er yfir hafið til Norður-Ameríku eða til Taílands.

SAS, helsti keppinautur Norwegian, hefur lengi boðið upp á lengri flugleggi frá hinum þremur skandinavísku höfuðborgum og hefur til að mynda bætt við ferðum til Bandaríkjanna næsta sumar.

Icelandair er líka stórtækt í Ósló, Stokkhólmi og Kaupmannahöfn og flytur ófáa farþega frá þessum þremur borgum yfir til Bandaríkjanna og Kanada. Af þeim sökum er þessi niðurskurður norska flugfélagsins vafalítið fagnaðarefni hjá stjórnendum Icelandair. Ástæðan er sú að frá Kaupmannahöfn og Stokkhólmi hefur Norwegian flogið beint til bandarískra borga sem Icelandair sinnir líka.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …