Samfélagsmiðlar

Flugfélögin að verða sveigjanlegri

Nokkur af þeim flugfélögum sem fljúga til og frá Keflavíkurflugvelli bjóða nú viðskiptavinum sínum að breyta flugmiðum fyrir lítið eða ekkert.

Vegna nýju kórónaveirunnar þá grípa sum flugfélög til þess að bjóða farþegum að breyta flugmiðum án aukakostnaðar.

Þeir sem bóka ódýrustu fargjöld flugfélaganna hafa oft ekki möguleika á að breyta ferðadögum eða jafnvel áfangastað. Í ársbyrjun herti til að mynda Icelandair sínar reglur og tók fyrir allar breytingar á svokölluðum Economy Light farmiðum.

Útbreiðsla kórónaveirunnar síðustu vikur hefur aftur á móti valdið ört dvínandi ferðagleði sem kallað hefur á viðbrögð frá stjórnendum flugfélaganna. Síðustu daga hafa sum þeirra kynnt tímabundnar tilslakanir á skilmálum sínum og þar með geta farþegar breytt nýjum bókunum án kostnaðar.

Þannig geta þeir sem panta far með Icelandair fyrir 16. mars breytt bókuninni án þess að greiða sérstakt breytingagjald ef ferðalagið er á dagskrá fyrir 1. júní. Hjá Norwegian, sem er stórtækt í Spánarflugi frá Íslandi, er sveiganleikinn meiri. Þar fá farþegar sem bóka fyrir 22. mars rétt á að afbóka öll ferðalög fram til loka sumars. Þetta nær þó ekki til ferða Norwegian milli Íslands og Óslóar.

Hið breska British Airways gengur svo ennþá lengra því þar fá þeir sem bóka fram til 16. mars rétt á að breyta miðun án auka kostnaðar næstu 12 mánuði. Farþegar þurfa aftur á móti að borga mismuninn á nýja og gamla fargjaldinu ef það fyrrnefnda er dýrara.

Líklegt er að fleiri flugfélög fylgi í kjölfarið og kynni sveigjanlegri fargjöld til sögunnar á næstunni. En líkt og Túristi fjallaði um í byrjun vikunnar þá hafa hótelgestir lengi getað bókað sér herbergi, sem fæst endurgreitt, án mikils viðbótarkostnaðar. Öðru máli hefur gegnt um flugfélögin en nú gæti það verið að breytast.

Nú getur þú stutt útgáfu Túrista

Nýtt efni

Fyrsta skemmtiferðaskip ársins kom til Ísafjarðar um síðustu helgi, þýska AIDAsol með nærri í 2.200 farþega. Á sunnudag koma tvö skip með væntanlega 3.000 - 4.000 farþega. Það er farþegafjöldi undir öllum viðvörunarmörkum sem Ísafjarðarbær ætlar að fylgja í framtíðinni vegna komu skemmtiferðaskipa. Nýsamþykktar fjöldatakmarkanir gilda raunar ekki á þessu ári þar sem bókanir hafa …

Í marsmánuði fór fjöldi erlendra ferðamanna í Japan í fyrsta skipti yfir 3 milljónir, samkvæmt tölum sem birtar voru í síðustu viku. Um 2,7 milljónir komu í febrúar. Auðvitað nýtur japönsk ferðaþjónusta nú uppsafnaðrar löngunar erlendra ferðamanna á að heimsækja loks Japan eftir langvarandi lokun og ferðahindranir í tengslum við Covid-19 en það er ekki …

Jón Atli Benediktsson rektor Háskóla Íslands var heiðraður á ársfundi Meet in Reykjavik í gær. Hann leiddi til sigurs umsókn Íslands um að fá ráðstefnuna „International Geoscience and Remote Sensing Symposium (IGARSS)“ til Reykjavíkur í júlí 2027. Gert er ráð fyrir að 2.500 erlendir vísindamenn og fagfólk á sviði fjarkönnunar frá öllum heimshornum sæki ráðstefnuna …

United Airlines tilkynntu í gær um betri afkomu en vænst var á öðrum ársfjórðungi. Þetta kemur í framhaldi af því að tapið á fyrsta fjórðungi var minna en óttast hafði verið. Megin ástæða þess að vel gengur er einfaldlega mikill áhugi á ferðalögum. Hlutabréf í United hækkuðu strax í fyrstu viðskiptum eftir að tilkynnt var …

Japanskir bílaframleiðandur hafa dregist aftur úr nýrri fyrirtækjum á borð við bandaríska Tesla og kínverska BYD í þróun rafbílasmíði. En menn velta því fyrir sér hvort japanskir framleiðendur á borð við Toyota og Nissan verði ekki fljótir að vinna upp það forskot - og jafnvel ná forystu - með þróun nýrrar gerðar rafhlaðna, sem vonir …

„Viltu nýjan bíl? Ef svarið er já, þá þurfum við að finna pening til að kaupa bílinn. Við getum aflað hans með sjávarútvegi en sú grein er takmörkuð og margir vilja setja skorður á fiskeldi. Til að auka framleiðslu á málmum þarf meiri raforku. Þá er það ferðaþjónustan sem er eftir og því þarf að …

Yfir veturinn eru Bretar fjölmennastir í hópi ferðamanna hér á landi en fyrstu þrjá mánuði þessa árs innrituðu 109 þúsund breskir farþegar sig í flug frá Keflavíkurflugvelli. Fjöldinn stóð í stað frá sama tíma í fyrra en hins vegar fjölgaði brottförum útlendinga um tíund þessa þrjá mánuði. Efnahagsástandið í Bretlandi kann að skýra að það …

Því var fagnað í gær að undirrituð hefði verið viljayfirlýsingu um að Íslandshótel og fjárfestar tengdir Skógarböðunum ætluðu að byggja og reka fjögurra stjörnu hótel við Skógarböðin í Eyjafirði gegnt Akureyri. Á væntanlegu baðhóteli verða 120 herbergi. Sjallinn - MYND: Facebook-síða Sjallans Íslandshótel hafa líka haft áform um að reisa hótel í miðbæ Akureyrar, þar …