Samfélagsmiðlar

Nú aflýsir easyJet öllum ferðum frá Keflavíkurflugvelli

Frá og með deginum í dag mun breska lággjaldaflugfélagið easyJet leggja flestum sínum flugvélum.

Frá fyrstu ferð easyJet til Íslands árið 2012.

Hið breska easyJet er þeirra fáu flugfélaga sem hefur haldið áfram að fljúga hingað til lands síðustu daga. Aðspurður um skýringu á því þá segir Andy Cockburn, upplýsingafulltrúi easyJet, að félagið hafi haldið úti svokölluðum björgunarflugum síðustu daga auk stakra áætlunarferða. Hann segir þó að frá og með deginum í dag muni nær allt flug á vegum easyJet leggjast af í dag og til marks um það þá hefur félagið fellt niður allar ferðir sínar til og frá Íslandi næstu daga.

Ákvörðun stjórnenda easyJet að draga úr nær öllum ferðum frá og með deginum í dag var tekin áður en Boris Johnson, forsætisráðherra Breta, setti á útgöngubann þar í landi.

Þó easyJet geri nú hlé á starfsemi sinni þá hefur félagið nýverið sett í sölu flugferðir næsta vetrar. Og þar er gert ráð fyrir nærri óbreyttu Íslandsflugi næsta vetur ef frá eru taldar áætlunarferðir til Belfast á Norður-Írlandi. Þaðan hefur félagið flogið tvisvar í viku til Keflavíkurflugvallar en nú eru þær brottfarir ekki lengur á boðstólum.

Eins og gefur að skilja er fluggeirinn í lausu lofti þessa dagana og það mun ekki vera talið útilokað að bresk stjórnvöld verði að koma flugfélögum þar í landi til bjargar, þar á meðal easyJet.


Viltu styðja Túrista?

Nú þegar virkilega á reynir þá stendur Túristi vaktina frá morgni til kvölds. Ef þú ert einn þeirra lesenda sem finnst gagn í skrifum Túrista þá væri ómetanlegt ef þú myndir leggja útgáfunni lið. Smelltu hér fyrir nánari upplýsingar.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …