Samfélagsmiðlar

Selja ferðaskrifstofurnar þegar aðstæður leyfa

Arion banki rekur ennþá sex af þeim sjö ferðaskrifstofum sem áður tilheyrðu Primera Travel Group. Fyrirtækin njóta góðs af þeim aðgerðum boðaðar hafa verið á hinum Norðurlöndunum til að styðja við rekstur ferðaþjónustufyrirtækja.

Skjámynd af heimasíðu Travelco en það fyrirtæki heldur utan um eign Arion á fimm norrænum ferðaskrifstofum. Bankinn á líka Heimsferðir.

Það var í júní í fyrra sem Arion banki leysti til sína þær sjö norrænu ferðaskrifstofur sem voru hluti af Primera Travel samsteypu Andra Más Ingólfssonar. Þá var yfirlýst markmið að koma fyrirtækjunum öllum í hendur nýrra eigenda sem fyrst. Ennþá hefur aðeins tekist að selja Terra Nova en sú ferðaskrifstofa sérhæfir sig í skipulagningu Íslandsferða. Kaupandinn var Nordic Visitor.

Viðræður voru í gangi við erlendan fjárfestingasjóð um kaup á þeim fimm ferðaskrifstofum sem Arion banka rekur á hinum Norðurlöndunum. Heimsfaraldurinn sem nú geysar setti hins vegar strik í reikninginn. Heimsferðir, sem hafa lengi verið ein af stærstu ferðaskrifstofunum hér á landi, eru líka áfram í eigu Arion.

Aðspurður um stöðu mála þá segir Haraldur Guðni Eiðsson, upplýsingafulltrúi Arion, að markmið bankans varðandi ferðaskrifstofurnar er óbreytt og þær verði seldar þegar aðstæður leyfa. „Fram að því mun rekstur ferðaskrifstofanna halda áfram. Þær eins og aðrar ferðaskrifstofur á Norðurlöndum munu njóta góðs af þeim víðtæku aðgerðum sem stjórnvöld þar, ekki síst í Danmörku, eru að grípa til til að aðstoða ferðaþjónustufyrirtæki.“

Meðal þeirra efnahagsaðgerða sem danska ríkisstjórnin hefur gripið til vegna ástandsins sem nú ríkir er að styrkja ábyrgðasjóð ferðasala um 1,5 milljarð danskra króna. Það jafngildir um 30 milljörðum íslenskra króna og verður sú upphæð meðal annars nýtt til að endurgreiða neytendum þær ferðir sem fella hefur þurft niður vegna ferðabanna og lokaðra landamæra.

Íslenskar ferðaskrifstofur, bæði þær sem selja ferðir til útlanda og Íslandsferðir til útlendinga, eru aftur á móti verri stöðu líkt og kom fram í viðtölum Túrista við forstjóra Úrval-Útsýn og stjórnarformann Heimsferða.


Viltu styðja Túrista?

Nú þegar virkilega á reynir þá stendur Túristi vaktina frá morgni til kvölds. Ef þú ert einn þeirra lesenda sem finnst gagn í skrifum Túrista þá væri ómetanlegt ef þú myndir leggja útgáfunni lið. Smelltu hér fyrir nánari upplýsingar.

Nýtt efni

Árið 1970 barst Pattie Boyd nafnlaust og dularfullt ástarbréf frá einhverjum sem þráði hana afar heitt. Vandinn var bara sá að Pattie var þegar gift öðrum manni og ekki ófrægum; hún og George Harrison gítarleikari The Beatles höfðu búið saman í sex ár þegar bréfið barst Pattie.  „Ég skrifa þér þessa orðsendingu í þeim megintilgangi …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …