Samfélagsmiðlar

Bið fram í næstu viku eftir Icelandair

Nú liggja fyrir samningar við stéttarfélög og flesta kröfuhafa en ekki alla. Eins á eftir að ná samkomulagi við Boeing. Því þarf Icelandair Group að seinka boðuðu hlutafjárútboði á ný.

Landsbankinn og bandaríski CIT bankinn eru með veð í flugvélum Icelandair.

Það hefur reynst tímafrekara en lagt var upp með að undirbúa hlutafjárútboð Icelandair samsteypunnar. Upphaflega stóð til að birta fjárfestakynningu þann 16. júní og ljúka útboðinu í byrjun júlí.

Sá frestur hefur nú verið framlengdur á ný því samkvæmt tikynningu sem flugfélagið sendi frá sér í gærkvöld þá tókst ekki að ljúka viðræðum við alla kröfuhafa fyrir mánaðamót líkt og lagt var upp með. Nú er stefnt að því að hafa allt tilbúið í lok næstu viku og að útboðinu ljúki í ágúst.

Líkt og áður hefur komið fram þá snúast viðræður við kröfuhafa ekki um afskriftir heldur greiðsluaðlögun. En meðal stærstu lánadrottna Icelandair samsteypunnar eru Landsbankinn og Íslandsbanki en báðir eru í eigu íslenska ríkisins.

Landsbankinn lánaði Icelandair rúma tíu milljarða króna (80 milljónir dollara) í mars í fyrra gegn veði í tíu Boeing 757 þotum. Virði þess háttar flugvéla hefur þó skiljanlega rýrnað í núverandi krísu.

Veð Íslandsbanka hjá Icelandair munu liggja í fasteignum félagsins og einnig í flughermum þess í Hafnarfirði.

Bandaríski CIT bankinn lánaði Icelandair í tvígang um síðustu áramót og þá gegn veði í flugvélum.

Icelandair Group reynir jafnframt að ná samningum við Boeing og snúast þær um frekari bætur vegna kyrrsetningar þotanna í mars í fyrra. Eins er unnið að breytingu á tímasetningum á afhendingu þotanna sem félagið á eftir að fá. Icelandair er því ekki að segja skilið við Boeing. Samningaviðræður við bandaríska flugvélaframleiðandann eru vel á veg komnar samkvæmt tilkynningu gærdagsins.

Meðal annarra kröfuhafa sem Icelandair þarf að ná samningum við áður en útboð hefst eru færsluhirðar og eins þau fjármálafyrirtæki sem Icelandair hefur gert framvirka samninga við um kaup á þotueldsneyti. Umsamið verð er töluvert yfir núverandi heimsmarkaðsvirði.

Nýtt efni

Um 90% af öllum úrgangi sem fellur til á Íslandi, bæði frá heimilum og rekstri, ratar í einhvers konar endurvinnslu eða endurnýtingu. Þetta sýna nýjar úrgangstölur frá Umhverfisstofnun, fyrir árið 2022.  Það er fróðlegt að rýna í þessar tölur og fá þar með yfirsýn yfir neyslu Íslendinga, en Íslendingar eru á meðal mestu neysluþjóða í heimi. Magn …

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …