Samfélagsmiðlar

Fordæmi fyrir því að þrotabú flugfélags haldi lendingarleyfum

Íslenska ríkið eignast vörumerki Icelandair ef allt fer á versta veg hjá flugfélaginu. Óljósara er með möguleg veð ríkisins í lendingarleyfum í London og New Yok.

Flugvél kemur inn til lendingar á Heathrow flugvelli við London.

Áhætta íslenska ríkisins af lánalínu til Icelandair Group verður að hámarki 108 milljónir dollara. Það jafngildir um fimmtán milljörðum króna á gengi dagsins. Icelandair fær þó aðeins að nýta þessa lánalínu í neyð, þ.e. ef rekstur félagsins gengur talsvert verr en áætlanir gera ráð fyrir.

„Er lánalínu með ábyrgð ríkisins ætlað að skapa aukið rekstraröryggi fyrir félagið, sem ætti að hafa jákvæð áhrif á vilja fjárfesta til að leggja félaginu til nýtt fé,“ segir til að mynda í frumvarpi fjármálaráðherra sem nú verður lagt fyrir Alþingi.

Veðin sem íslenska ríkið fær, samkvæmt frumvarpinu, er vörumerki og vefslóðir félagsins. Einnig verða lendingarheimildir í London og New York lagðar fram sem veð en þó með fyrirvara um að hægt sé að taka veð í þessum afgreiðslutímum.

Það eru reyndar mörg dæmi um að flugfélög hafi selt afgreiðslutíma sína á Heathrow flugvelli við London og það gerði til að mynda SAS fyrir nokkrum árum síðan. WOW kom sínum leyfum við London Gatwick líka í verð í hittifyrra.

Meira að segja þrotabú fá yfirráðarétt yfir flugafgreiðslutímum líkt og gerðir í kjölfar gjaldþrots Monarch flugfélagsins árið 2017. Um þann rétt var reyndar deilt en breskir dómstólar féllust á rétt skiptastjórans.

Þar með er ekki sagt að kröfuhafi geti leyst til sín afgreiðslutíma gjaldþrota flugfélags. Og samkvæmt því sem Túristi kemst næst eru afgreiðslutímar á evrópskum flugvöllum bara markaðsvara í Bretlandi. Annars staðar er þeim einfaldlega úthlutað til umsækjenda. Sá háttur er líka hafður á í Bandaríkjunum.

Það virðast því fullar ástæður fyrir því hjá fjármálaráðherra að setja fyrirvara við þessi mögulegu veð ríkisins gegn láninu til Icelandair.

Þess má geta að íslenska ríkið er nú þegar stærsti kröfuhafi Icelandair í gegnum Íslandsbanka og Landsbanka. Veð bankanna hjá Icelandair liggja meðal annars í eldri Boeing þotum, fasteignum og flugherminum í Hafnarfirði.

Nýtt efni

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …