Samfélagsmiðlar

Horfa til þess að ná sömu stöðu og áður en samkeppnin harðnaði

Sérfræðingar Icelandair gera ráð fyrir að farþegum á leið milli Evrópu og Bandaríkjanna fækki verulega vegna áhrifa Covid-19. Í kjölfarið gera þeir ráð fyrir að markaðshlutdeild félagsins aukist og tekjurnar tvöfaldist í flugi milli helstu áfangastaða.

Icelandair var lengi eina norræna flugfélagið sem flaug til Boston.

Hlutafjárútboð Icelandair Group hófst formlega á miðnætti þegar samsteypan sendi frá sér fjárfestakynningu. Þar er horft yfir farinn veg og spáð í spilin næstu ár.

Óhætt er að segja að í þessu söluplaggi sýni stjórnendur flugfélagsins meira á spilin en þeir hafa gert í langan tíma. Dæmi um það eru upplýsingar um markaðshlutdeild fyrirtækisins í flugi til Bandaríkjanna. Í kynningunni er tekið dæmi af þróuninni í flugi milli Kaupmannahafnar og Boston en þetta eru þær borgir sem þotur Icelandair fljúga einna oftast til.

Þannig var Icelandair lengi eina norræna flugfélagið í Boston líkt og Túristi fjallaði um á sínum tíma. Síðan fékk félagið samkeppni þar í borg og nú er borgin til að mynda hluti af flugáætlun bæði SAS og Norwegian.

Samkeppnin hafði þær afleiðingar að hlutdeild Icelandair á flugleiðinni Boston til Kaupmannahöfn hríðféll. Þannig var hún í kringum fjörtuíu prósent á fyrri helmingi síðasta áratugar en var komin niður í fjórtán prósent í fyrra. Farþegafjöldinn jókst á sama tímabili umtalsvert í takt við auknar flugumferð.

Nú er það mat sérfræðinga Icelandair að þróunin næstu misseri verði sú að samkeppnin minnki á ný vegna minni eftirspurnar eftir ferðalögum á heimsvísu. Markaðurinn mun því skreppa saman og á ný munu fjórir af hverjum tíu farþegum á leið milli Boston og Kaupmannahafnar fljúga með Icelandair. Tekjur Icelandair af þessari flugleið verði þá ríflega tvöfalt hærri en þær voru í fyrra.

Í þessu samhengi má rifja upp að SAS ætlar að nota nýjar langdrægar Airbus þotur, A321 LR, í flug frá Kaupmannahöfn til Boston. Þar á bæ eru sem sagt uppi áætlanir um að setja aukin kraft í þessa flugleið. Forsvarsfólk Icelandair bindur þá vonir við að þau áform gangi ekki eftir.

Túristi mun birta fleiri fréttir í dag og næstu daga upp úr þessari nýju fjárfestakynningu.

Nýtt efni

Um 90% af öllum úrgangi sem fellur til á Íslandi, bæði frá heimilum og rekstri, ratar í einhvers konar endurvinnslu eða endurnýtingu. Þetta sýna nýjar úrgangstölur frá Umhverfisstofnun, fyrir árið 2022.  Það er fróðlegt að rýna í þessar tölur og fá þar með yfirsýn yfir neyslu Íslendinga, en Íslendingar eru á meðal mestu neysluþjóða í heimi. Magn …

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …