Samfélagsmiðlar

Hefur litlar áhyggjur af lánum bankans til ferðaþjónustunnar

Marínó Örn Tryggvason, bankastjóri Kviku, telur að ferðaþjónustan verði mikilvægur hluti viðspyrnunnar og segir ekki lokað fyrir frekari lánveitingar til greinarinnar. Bankinn flokkar vinnu sína fyrir Icelandair síðastliðið haust sem samfélagsverkefni í nýjum ársreikningi.

Marínó Örn Tryggvason, bankastjóri Kviku.

Heildarlán Kviku til ferðaþjónustufyrirtækja námu 2,1 milljarði króna um síðustu áramót. Til samanburðar var bókfært virði lána Íslandbanka og Landsbanka, til ferðaþjónustufyrirtækja og flugfélaga, nærri eitt hundrað milljarðar kr, hjá hvorum banka fyrir sig. Útistandandi lán Arion banka til ferðaþjónustufyrirtækja námu 73 milljörðum kr.

Hlutfall útlána til ferðaþjónustu í lánabók Kviku var 6,5 prósent sem er lægra en hjá stóru bönkunum þremur.

Af lánum Kviku til atvinnugreinarinnar var rúmur helmingur til hótela og íbúðagistingar samkvæmt sundurliðun á lánum sem finna má í uppgjöri bankans fyrir síðasta ár.

„Lán tengd ferðaþjónustu hafa verið lítill hluti af lánabók Kviku og þess vegna ekki flokkuð sérstaklega fram til þessa í uppgjörum bankans. Ástæðan fyrir því að það var gert núna er áhugi markaðsaðila á því að sjá hver áhætta okkar er af lánum til ferðaþjónustunnar,” segir Marínó Örn Tryggvason, bankastjóri Kviku, í samtali við Túrista. Hann bendir á að áhættan af þessum lánum sé lítil.

„Þetta eru næstum allt eignatryggð lán þar sem veðhlutfallið er undir sextíu prósent. Ég hef því litlar áhyggjur af þessum lánum.”

Marínó segir ekki útilokað að lán Kviku til ferðaþjónustunnar aukist þrátt fyrir ástandið sem nú ríkir vegna heimsfaraldursins.

„Ég tel að ferðaþjónustan verði mikilvægur hluti af viðspyrnunni og við viljum taka þátt í henni. Það er því ekki lokað fyrir frekari lánveitingar til ferðaþjónustunnar. Verkefnin verða einfaldlega metin hvert fyrir sig,” útskýrir Marínó.

Kvika banki kom að hlutafjárútboði Icelandair síðastliðið haust sem ráðgjafi flugfélagsins en bankinn þáði enga þóknun fyrir þá vinnu. Verkefnið fyrir Icelandair er því flokkað sem samfélagsverkefni í árskýrslu bankans á sama hátt og framlag Kviku við Barnahjálpar Sameinuðu þjóðanna.

„Við fengum ekki krónu fyrir okkar vinnu við útboðið og það stóð heldur aldrei til,” svarar Marínó aðspurður um þetta þessa samfélagsvinnu bankans fyrir Icelandair.

Nýtt efni

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …

Kínversku bílaframleiðendurnir BYD og SAIC, sem er eigandi framleiðslufyrirtækis MG-rafbílana vinsælu, hafa ekki ákveðið enn hvort verð á rafbílum sem seldir verða í Evrópu eftir 4. júlí hækka í verði. Þá tekur gildi umtalsverð hækkun tolla á kínversku rafbílana. Samkvæmt heimildum Reuters verður engin verðbreyting ákveðin fyrir þann tíma. Evrópusambandið ákvað að tollur á MG-bílum …

Gengi hlutabréfa í Norwegian féll í gærdag eftir að greinendur norska bankans DNB færðu niður verðmat sitt á félaginu úr 19 norskum krónum á hlut niður í 17 kr. Hið nýja verðmat var engu að síður 30 prósent yfir markaðsgenginu, 14 norskar kr., en engu að síður féll gengið um tíu prósent í gær og …