Samfélagsmiðlar

Fjórfalt fleiri flugferðir felldar niður með stuttum fyrirvara

Það hefur reynst flugfélögum víða um heim erfitt að halda áætlun nú í sumar. Hér heima er ástandið líka verra en í eðlilegu árferði.

Það reynir á þolinmæði flugfarþega út í heimi og hér heima. Stundvísi í flugi hefur til að mynda verið verri en mánuðina á undan.

Nærri þremur af hverjum eitt hundrað ferðum frá Keflavíkurflugvelli í júní var aflýst sem er um fjórfalt hærra hlutfall en á sama tíma árið 2019 samkvæmt samanburði Túrista. Það var Icelandair sem felldi niður flestar ferðir en félagið er líka það langumsvifamesta á Keflavíkurflugvelli.

Í nýliðnum júní aflýsti Icelandair 62 komum og brottförum en það jafngildir um tveimur prósentum af áætlun félagsins. Næst á eftir kom SAS sem aflýsti 19 ferðum eða 17 prósent af Íslandsfluginu í júní. Verkfall flugmanna SAS, sem hófst fyrir viku síðan, hefur svo sett starfsemi félagsins algerlega úr skorðum nú í júlí og þar með líka áætlunarferðirnar til Keflavíkurflugvallar.

Hjá Play var ellefu flugferðum aflýst í síðasta mánuði eða um tveimur af hverjum eitt hundrað sem er sambærilegt hlutfall og hjá helsta keppinautnum, Icelandair.

Wizz Air og Easyjet aflýstu hvort um sig sex ferðum til og frá Keflavíkurflugvelli í júní en þar sem Íslandsflug félaganna er takmarkað þá verður hlutfall aflýstra brottfara hátt eða allt að sex prósent. Icelandair og Play standa nefnilega fyrir bróðurparti flugferða til og frá Keflavíkurflugvelli í sumar og hefur vægi þeirra samanlagt aukist mánuð eftir mánuð það sem af er ári.

Tölurnar hér að ofan taka eingöngu til þeirra ferða sem felldar eru niður með eins eða tveggja sólarhringa fyrirvara. Til viðbótar við þessar ferðir eru allar þær sem teknar voru úr sölu í lok vetrar og í vor. Í febrúar var til að mynda gert ráð fyrir ríflega tvö hundruð fleiri flugferðum frá Keflavíkurflugvelli í júní en raunin varð.

Dæmi um þessar breytingar er ákvörðun Eurowings um að hætta við Íslandsflug frá Hamborg í sumar og eins verður ekkert af áætlunarflugi SAS hingað frá Stokkhólmi. Ákvörðun um þá breytingu var tekin áður en verkfall flugmanna félagsins komst á dagskrá.

Þú færð aðgang að öllu efni Túrista næstu tvo mánuði fyrir 2.000 kr. Notaðu afsláttarkóðann SUMAR2022 hér. Áskrift endurnýjast á fullu verði í framhaldinu en alltaf hægt að segja upp.

Nýtt efni

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …