Samfélagsmiðlar

Hótelkrísa á Akureyri

Innan við 300 hótelherbergi eru í boði á Akureyri árið um kring og stefnir í vandræði með fjölgun ferðafólks í bænum.

Hótel KEA í miðbæ Akureyrar

Það hefur ótrúlega lítið gerst í hótelmálum á Akureyri á síðustu árum eða frá því að Icelandair-hótelið varð til með stækkun á húsnæði Iðnskólans við Þingvallastræti. Stærsta hótelið í bænum er enn Hótel KEA, sem á sínum tíma markaði tímamót og lýsti stórhug í bænum. Það var tekið í notkun 1944 en var síðar stækkað.

Nú fer lítið fyrir starfsemi Kaupfélags Eyfirðinga en KEA-nafnið lifir á fjárfestingarfélaginu sem tók ákvörðun um að reisa nýtt hótel á lóð við Hafnarstræti 80, þar sem áður var umferðarmiðstöð. Til stóð að byggja þar 150 herbergja hótel, sem hefði orðið það stærsta í bænum.

Í færslu á vef fjárfestingarfélagsins frá 2017 lýsir framkvæmdastjórinn stórhuga hugmyndum félagsins í hótelmálum í bænum og hversu þörfin sé brýn. Stefnt var að opnun vorið 2019. En svo kom Covid-19 og hætt var við hótelbygginguna. Þá var WOW fallið og óvissa ríkti um framtíð ferðaþjónustu.

Fyrir norðan segja hinsvegar margir að það hafi einfaldlega vantað stórhug til að trúa á framtíðarmöguleika ferðaþjónustunnar. Mörgum í bænum svíður að ekkert stórt, nýtt og myndarlegt ráðstefnuhótel sé í höfuðstað Norðurlands, þar sem starfræktur er háskóli og rannsóknarsetur í kringum hann.

Nú er Akureyri í þeirri stöðu að vera vanbúin því að mæta nýrri sókn ferðafólks inn á Eyjafjarðarsvæðið með áætlunarflugi Niceair sem hafið er og flugi þýska Condor næsta sumar. Fleiri flugfélög gætu viljað koma en hvar á að koma gestunum fyrir?

Þorvaldur Lúðvík Sigurjónsson, framkvæmdastjóri Niceair, sagði við Túrista að menn hefðu einfaldlega ekki þorað að hugsa stórt í bænum. Það þyrfti bráðaaðgerð í hótelmálum á Akureyri: Byggja þyrfti nýtt 200 herbergja þriggja stjörnu hótel og eitt 100 herbergja fjögurra stjörnu hótel. „Þetta þarf að gerast ekki seinna en í gær!“ sagði Þorvaldur Lúðvík. Nú blasir hinsvegar við að ekkert nýtt hótel rís á Akureyri – hvorki í dag né á morgun.

Enn um sinn verður bitist um 288 heilsársherbergi. Hótel Edda bætist við um hásumarið með 204 herbergi og svo eru auðvitað gistiheimili og smáhýsi að finna í Eyjafirði og nærsveitum. En betur má ef duga skal. Arnheiður Jóhannsdóttir, framkvæmdastjóri Markaðsstofu Norðurlands, sagði í viðtali við Túrista að „ofboðslegur þrýstingur“ væri frá erlendum ferðaskrifstofum að byggt verði nýtt 200 til 250 herbergja hótel á Akureyri. Nú er að sjá hver verður fyrstur að taka boltann.

Viltu fá aðgang að öllum greinum Túrista? Bókaðu þá áskrift hér

Nýtt efni

„Aðkoma mín að ferðaþjónustunni hefur verið á ýmsum sviðum og ég hef fengið að starfa í greininni í meira en þrjá áratugi, þar af meira en aldarfjórðung í eigin rekstri. Á þessum árum hefur greinin okkar vaxið úr því að vera næstum því tómstundagaman fyrir áhugasama í það að vera stærsta útflutningsgrein þjóðarinnar með öllum …

Veitingahúsarekstur á Íslandi getur verið töluverður barningur: Vaktafyrirkomulag er kostnaðarsamt og launin vega mjög þungt í rekstri, verð á hráefni er hátt og opinber gjöld ekki síður, einkum á áfengi. Veitingamenn bíða eins og aðrir að gengið verði frá kjarasamningum og það verði hægt að gera einhverjar áætlanir fram í tímann.  Þegar launin sem greiða …

Kauphöllin

Hlutabréfavísatalan Stoxx Europe 600 náði sína hæsta gilda á föstudaginn og hefur þá hækkað um nærri 70 prósent frá því mars 2020 þegar vísitala fór lægst í upphafi heimsfaraldursins. Vísitala Bloomberg sem fylgist með gengi evrópskra flugfélaga hefur á sama tíma hækkað um 23 prósent. Af stóru evrópsku flugfélögunum er Ryanair það eina þar sem …

Tónlistarmaðurinn hefur á þessum árum lagt inn 689 lög í eigin nafni. En þrátt fyrir afar litlar vinsældir hefur maðurinn fengið útborgaðar um það bil sem svarar 90 milljónum íslenskra króna frá streymisveitunum vegna þess hve oft lögin hafa verið spiluð. Til að fá útborgað um eitt hundrað krónur frá tónlistarstreymisveitu þarf lag að vera …

Árið 2023 varð metár í komum ferðamanna til hinnar fornu, fögru og söguríku Aþenu. Um sjö milljónir erlendra ferðamanna lentu á Aþenu-flugvelli sem kenndur er við Eleftherios Venizelos, 600 þúsundum fleiri en 2019. Bandaríkjamenn voru stærsti hópurinn, ein milljón, en næst á eftir komu 687 þúsund Bretar, 478 þúsund Þjóðverjar, 462 þúsund Frakkar og 410 …

Áætlun Ryanair á komandi sumarvertíð byggir á því að félagið fái að lágmarki 50 nýjar Boeing Max þotur en forstjóri flugfélagsins, Michael O'Leary, er svartsýnn á að það gangi eftir. Nýju þoturnar verði í besta falli fjörutíu en upphaflega hafði Boeing lofað 57 nýjum Max-þotum samkvæmt frétt Bloomberg. „Það hamlar vexti okkar að vita ekki …

Stellantis er einn stærsti bílaframleiðandi heims. Í viðtali við þýska blaðið Welt am Sonntag ítrekar Carlos Tavares, forstjóri Stellantis, stuðning samsteypunnar við banni við sölu á bílum knúnum bensíni og dísil árið 2035. Ummælin falla í tilefni af því að margir spá íhaldssveiflu í Evrópuþingskosningum í júní og að í framhaldi af því verði áformum …

Það vakti athygli að fáum dögum eftir lát eins af þekktari ritstjórum The New York Times, Joseph Lelyveld, streymdu inn á Amazon-netverslunina fjölmargar nýjar ævisögur ritstjórans. Lelyveld lést í janúar í ár og þegar bróðir hans Michael fór inn á netið fáum dögum eftir útför Josephs til að sjá hvernig samferðarmenn minntust bróðurins tók hann eftir …