Samfélagsmiðlar

„Erum að taka áhættu með hvalveiðum“

Það á eftir að koma í ljós hvort stjórnvöld stöðvi hvalveiðar Kristjáns Loftssonar. Hann veiddi 148 langreyðar í sumar. Að óbreyttu getur hann haldið áfram næsta sumar. Ferðamálaráðherra segir að við séum að taka áhættu með hvalveiðunum.

Hvalur á vinnsluplani Hvals hf. í sumar

Í sumar var Lilja Dögg Alfreðsdóttir, ferðamálaráðherra, gagnrýnd af ferðaþjónustufólki vegna stuðnings hennar við hvalveiðar Íslendinga, sem stríddu gegn hagsmunum ferðaþjónustunnar – ekki síst auðvitað fyrirtækja sem bjóða ferðafólki í hvalaskoðunarferðir.

Lilja Dögg Alfreðsdóttir – Mynd: ÓJ

Lilja er ekki sátt við hvernig orð hennar voru túlkuð. Í viðtali sem Túristi birti í gær segir hún:

„Það rétta í því er að ég sagðist ekki sjá það í neinum tölum að hvalveiðarnar hafi haft áhrif á ferðaþjónustuna. Um leið og við sjáum að hvalveiðar ógni stöðu ferðaþjónustunnar þá breytist afstaða okkar.

En hafandi sagt þetta, þá erum við að taka áhættu með hvalveiðum.

Ef við fáum mjög erfiða umfjöllun um hvalveiðar getur hún breytt stöðu okkar mjög hratt. Það er auðvitað ljóst að efnahagslegir hagsmunir ferðaþjónustunnar vega margfalt meira en hvalveiðarnar. Þetta fyrirkomulag á hvalveiðunum er núna til endurskoðunar.”

Ferðafólk fylgist með því þegar hvalur er dreginn á land í sumar – Mynd: ÓJ

Hvorki ferðamálaráðherra, matvælaráðherra, eða aðrir ráðherrar í ríkisstjórninni, sem hugsanlega hafa efasemdir um eða eru andvígir hvalveiðum Kristjáns Loftssonar, snúast tæplega með beinum hætti gegn stefnu þriggja flokka ríkisstjórnar Katrínar Jakobsdóttur.

Langreyðar eru í viðkvæmri stöðu og eru af mörgum taldar í útrýmingarhættu. Hvalveiðistefna Íslendinga hefur sætt gagnrýni víða á alþjóðavettvangi og er af forystufólki í ferðaþjónustunni talin spilla ímynd landsins og torvelda markaðsstarf.

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …