Samfélagsmiðlar

Mikil eftirspurn vestanhafs eftir ferðum til Íslands og meginlands Evrópu

Mikil eftirspurn er eftir ferðum til Íslands og meginlands Evrópu frá Bandaríkjunum.

Icelandair þota í Vancouver en ferðir til kanadísku borgarinnar verða á ný hluti af vetrardagskrá flugfélagsins

Þotur Icelandair munu fljúga til 36 áfangastaða næsta vetur og fjölgar um leið framboði á flugsætum um 20 til 25 prósent frá vetrinum sem nú er senn á enda. Aldrei áður hefur áætlun Icelandair gert ráð fyrir jafn miklum umsvifum yfir vetrarmánuðina að því segir í tilkynningu.

Þar er haft eftir Tómasi Ingasyni, framkvæmdastjóra leiðakerfis og sölu, að áformin séu til marks um sterka eftirspurn og metnaðarfulla þróun á leiðakerfi félagsins.

„Icelandair hefur um árabil lagt áherslu á að efla tengingar við Ísland yfir vetrartímann enda er það mikið hagsmunamál fyrir íslenska ferðaþjónustu og atvinnulíf, auk þess sem það gerir okkur kleift að nýta okkar innviði og flugflota betur.

Við erum þess fullviss að farþegar okkar munu taka nýjungum eins og dagflugi til Bandaríkjanna allt árið fagnandi enda gefa þau kost á þægilegum ferðatíma og ótal tengingum út um öll Bandaríkin með samstarfsaðila okkar, JetBlue. Að sama skapi gerum við ráð fyrir að flug til Rómar og Barcelona verði sérstaklega vinsæl í haust og vetur hjá farþegum til og frá Íslandi sem og tengifarþegum yfir hafið,“ segir Tómas.

Auk þess að spreyta sig í fyrsta sinn á vetrarferðum til Rómar og Barcelona þá áformar Icelandair einnig að fljúga til Vancouver í Kanada á ný allt árið um kring. Bandarísku borgirnar Raleigh og Baltimore eru líka hluti af vetraráætluninni en hætt var við áætlunarferðirnar til þeirrar síðarnefndu nú í ársbyrjun.

Spurður um ástæður þess að hægt verði halda úti daglegum ferðum til Baltimore næsta vetur þá segir Guðni Sigurðsson, talsmaður Icelandair, að eftirspurn á Bandaríkjamarkaði, hvort sem er til Íslands eða yfir hafið, sé mjög sterk og aukningin á Baltimore og aðra áfangastaði í Norður-Ameríku taki mið af því.

Til viðbótar við nýja áfangastaði þá mun Icelandair einnig í fyrsta sinn bjóða upp á brottfarir til Boston og New York að morgni til utan sumarmánaða. Í heildina verða farnar 11 ferðir í viku til fyrrnefndu borgarinnar og 21 í viku til New York.

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …