Samfélagsmiðlar

Suðurland tók við hótelgestum úr höfuðborginni

Hlutdeild landshluta á hótelmarkaðnum breyttist í febrúar. Áfram eru Bretar fjölmennastir á hótelunum í ársbyrjun.

Ferðamenn á Suðurlandi í góubyrjun

Kjaradeila Samtaka atvinnulífsins og Eflingar setti svip á hótelmarkaðinn í febrúar enda þurfti að loka eða draga úr þjónustu á 15 af stærstu hótelum höfuðborgarinnar. Engu að síður voru gistinæturnar á hótelunum í Reykjavík ögn fleiri en í febrúar 2020.

Sá mánuður var í raun hefðbundinn þó umræðan um Covid-19 hafi vissulega magnast dag frá degi. Það var svo í byrjun mars 2020 sem landamæri lokuðust.

Í heildina voru gistinætur á reykvískum hótelum 224 þúsund í febrúar síðastliðnum eða 2 þúsund fleiri en í febrúar þremur árum fyrr. Á landsvísu fjölgaði hótelnóttunum hins vegar umtalsvert eða úr 335 þúsundum, í febrúar 2020, í 372 þúsund.

Hlutdeild höfuðborgarinnar á hótelmarkaðnum lækkaði þar með úr 66 prósenum niður í 60 prósent. Vægi annarra landshluta hélst óbreytt að Suðurlandi undanskildu því þar hækkaði hún úr 17 prósentum í 21 prósent. Það er vísbending um að gestir sem áttu bókað á hótelum í Reykjavík hafi sótt í gistingu á Suðurlandi vegna verkfalla.

Þetta sést líka vel þegar horft til erlendra gistinótta því þeim fækkaði í febrúar í Reykjavík en fjölgaði um fjórðung á Suðurlandi.

Sem fyrr eru Bretar fjölmennastir á hótelunum hér á landi í byrjun árs og voru gistinætur þeirra 14 prósent fleiri en í febrúar 2020. Þar á eftir koma Bandaríkjamenn, Þjóðverjar og Frakkar en litlar sveiflur voru í fjölda gistinátta frá þessum þjóðum en aftur á móti varð mikil aukning hjá Hollendingum, Ítölum, Svisslendingum og Austurríkismönnum eins og sjá má hér fyrir neðan.

Nýtt efni

Stærsti bílaframleiðandi heims lætur ekki haggast þó hann hafi mætt nokkru andstreymi að undanförnu. Hluthafafundur Toyota endurnýjaði traust sitt á 10 manna stjórn fyrirtækisins í dag, þar á meðal á formanninum, Akio Toyoda, sem verið hefur í forystusveit fjölskyldufyrirtækisins frá aldamótum. Hann vék úr starfi forstjóra fyrir rúmu ári og varð stjórnarformaður. Nú hefur þessi …

Hér á landi hefur fjöldi erlendra vegabréfa við vopnaleitina á Keflavíkurflugvelli verið helsti mælikvarðinn á gang mála í ferðaþjónustunni. Á hinum Norðurlöndunum er ekki hægt að stunda svona talningu á flugvöllum enda margir sem koma landleiðina. Gistinætur útlendinga eru því aðalmælikvarðinn á gang mála í ferðaþjónustunni hjá frændum okkar og samtals voru þær 15,3 milljónir …

Búist er við að 38 prósenta hækkun tolla á innflutta rafbíla frá Kína hægi á sókn framleiðenda þar inn á Evrópumarkað. Hins vegar verður það aðeins tímabundið. Kínverskir framleiðendur hafa þegar náð sterkri stöðu í tæknimálum og getu til að framleiða á hagkvæman hátt - þeir ráða yfir allri aðfangakeðju framleiðslu sinnar. Að auki munu …

Fyrstu helgina í júní stefndi í verkfall flugmanna Norwegian í Noregi en samningar tókust á elleftu stundu. Flugfélagið hafði áður samið við danska og spænska flugmenn en þeir norsku kröfðust hlutfallslega meiri hækkunar og vísuðu til þess að laun þeirra stæðust ekki samanburð við starfsbræður sína í Evrópu vegna þess hve veik norska krónan er. …

„Það umfangsmikið verkefni að opna nýja álmu við flugstöð. Byggingin þarf að uppfylla fjölmargar kröfur yfirvalda , m.a. um innréttingar, eldvarnir, umhverfiskröfur og vinnuaðstæður. Það þarf líka að setja upp flókinn tækjabúnað, sem þarnast sérhæfðrar þekkingar og margra stunda þjálfun ef hann á að skila sínu hlutverki. Það gildir um nýjan öryggisbúnað flugvallarins," segir í …

Suður-kóreski bílaframleiðandinn Hyundai veðjar á fjórða stærsta bílamarkað heims, Indland. Stærstu markaðirnir eru Kína, Bandaríkin og Japan - en Indlandsmarkaður vex hratt og mikil sala er í litlum og sparneytnum gerðum bíla. Á síðasta ári keypti dótturfélag Hyundai á Indlandi verksmiðjur General Motors í Maharashtra í vestanverðu landinu með það fyrir augum að auka framleiðslu …

Icelandair sagði 82 starfsmönnum upp fyrir síðustu mánaðamót en þær uppsagnir náðu ekki til áhafna flugfélagsins. Nú er hins vegar komið að þeim hópi því fyrir helgi fengu 57 flugmenn uppsagnarbréf og eins voru 26 flugstjórar færðir í stöðu flugmanna. Við þá breytingu lækka laun viðkomandi um fimmtung samkvæmt því sem FF7 kemst næst.  Flugmönnum …