Það voru 18 erlend flugfélög sem héldu úti áætlunarferðum til Keflavíkurflugvallar í maí og tvö íslensk, Icelandair og Play. Þessir tvær hópar skipta markaðnum á milli sín með ójöfnum hætti ef svo má segja og bilið milli þeirra breikkar.
Í maí fór hlutdeild erlendu flugfélaganna nefnilega niður 25 prósent sem er þriggja prósentustiga lækkun frá sama tíma í fyrra. Hlutdeild Icelandair hefur lækkað jafn mikið en Play aftur á móti bætt verulega við sína eins og sjá má hér fyrir neðan.
Af erlendu flugfélögunum er Wizz Air langstærst með um 6 af hverjum 100 áætlunarferðum frá Keflavíkurflugvelli en þar á eftir koma Easyjet og SAS með um þrjú prósent hlutdeild hvort um sig.
Icelandair og Play eru þó fyrst og fremst í samkeppni innbyrðist og í þeim tilfellum sem félögin eiga í samkeppni við erlent flugfélag þá er framboðið vanalega mun meira af hálfu þess íslenska.
