Samfélagsmiðlar

Leggja tímabundin flugvöll fyrir HM

Það eru þónokkrar líkur á að íslenska karlalandsliðið í leiki í borginni Saransk í Mordóvíu en þar keppast heimamenn við að koma upp flugvelli áður en heimsmeistaramótið hefst í júní.

Það bendir margt til þess að íslenska landsliðið verði í þriðja styrkleikaflokki þegar dregið verður í riðla fyrir HM í Rússlandi. Ef það gengur eftir þá eru líkurnar 2 á móti 7 að strákarnir spili sinn fyrsta leik í borginni Saransk í Mordóvíu. Annað hvort á sjálfan þjóðhátíðardaginn eða á kvenréttindadeginum þann 19. júní. Ef G-riðill verður hlutskipti liðsins þá bíður þess leikur í Saransk þann 28. júní og heildarlíkurnar á íslenskum leik í borginni er því töluverður. Aðeins þrjár aðrar borgir eru jafn líklegar til að fá íslenska heimsókn í riðlakeppninni og það eru Sankti Pétursborg, Ekaterinburg og Nizní Novgorod.

Saransk er hins vegar fámennust þeirra borga sem hýsa HM í sumar og jafnframt sú eina sem er ekki með nothæfan flugvöll. Því á hins vegar að kippa í liðinn fyrir sumarið og nú er unnið hörðum höndum að því að koma upp flugbraut og flugstöð við borgina svo hægt sé að taka á móti keppendum og áhangendum þeirra í sumar eins og farið er yfir í frétt ATP (sjá myndband). Þar kemur líka fram að íbúar þessarar 300 þúsund manna borgar eru mjög áhugasamir um að taka að sér sjálfboðaliðastörf í tengslum við heimsmeistaramótið í sumar. En reynsla sumra þeirra af því að taka á móti útlendingum er þó takmörkuð eins og fram kemur.

Ef til þess kemur að Ísland spili í Saransk og að boðið verður upp á flug þangað frá Íslandi þá mun taka um 5 tíma að fljúga frá Keflavíkurflugvelli. Hins vegar tekur um 8 til 9 tíma að fara með lest þá 650 kílómetra sem skilja að Saransk og Moskvu.

Hér má svo sjá kynningarmyndband frá FIFA fyrir Saransk

Nýtt efni

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hann á milli ára. Tekjur félagsins námu 14,5 milljörðum króna og jukust um 30 prósent frá í fyrra. „Við erum afar stolt af þeim árangri sem náðist í rekstri félagsins á síðasta ári þrátt fyrir hátt vaxtastig og aðrar krefjandi ytri aðstæður. …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …