Samfélagsmiðlar

Spenningur fyrir starfi ferðamálastjóra

Embætti ferðamálastjóra var auglýst laust til umsóknar í síðustu viku. Dragist það á langinn að mynda nýja ríkisstjórn gæti það orðið eitt síðasta verk fráfarandi ráðherra ferðamála að skipa í stöðuna.

Ferðamenn við Námaskarð.

„Ráðuneytið finnur fyrir miklum áhuga á embætti ferðamálastjóra og væntir þess að töluverður fjöldi umsókna berist fyrir lok umsóknarfrests þann 31. október,“ segir Sigrún Brynja Einarsdóttir, skrifstofustjóri á skrifstofu ferðamála í atvinnuvegaráðuneytinu. En ráðuneytið auglýsti stöðu ferðamálastjóra lausa til umsóknar í síðustu viku og hyggst Ólöf Ýrr Atladóttir, sem hefur gegnt embættinu frá ársbyrjun 2008, ekki sækja um á ný líkt og Túristi greindi frá. Skipunartími nýs ferðamálastjóra hefst þann 1. janúar og það gæti orðið eitt síðasta verk Þórdísar Kolbrúnar R. Gylfadóttur, fráfarandi ráðherra ferðamála, að skipa í stöðuna ef ný ríkisstjórn verður ekki mynduð fljótlega eftir kosningar.

Þegar Ólöf Ýrr var ráðin ferðamálastjóri bárust fimmtíu umsóknir og mikill áhugi á starfinu er því ekki nýmæli. Að þessu sinni eru hæfniskröfurnar mun ítarlegri en þegar staðan var síðast auglýst, í árslok 2007. Núna er til að mynda ekki nóg að hafa háskólagráðu því verðandi ferðamálastjóri verður að einnig að hafa meistarapróf sem nýtist í starfinu. Umsækjendur verða einnig beðnir um framtíðarsýn sína fyrir íslenska ferðaþjónustu. Þeir verða einnig að búa yfir frumkvæði og metnaði til að sýna árangur og krafti til að hrinda verkum í framkvæmd. Uppbyggilegt viðmót, leiðtogahæfileikar og þekking á einu Norðurlandamáli er einnig kostur samkvæmt starfsauglýsingunni.

Þess má geta að ráðherra ferðamála fól nýverið Elíasi Bj. Gíslasyni, forstöðumanni hjá Ferðamálastofu, að gegna starfi ferðamálastjóra til áramóta þar sem Ólöf Ýrr er komin í námsleyfi.

Nýtt efni

Aðdáun Indverja á vískíi er ekki ný af nálinni. Þó var það ekki fyrr en í kringum árið 2010 að framleiðandinn Amrut, sem var stofnaður árið 1948, kynnti Indian Single Malt viskí sem átti sérstaklega góðu gengi að fagna í Skotlandi, af öllum stöðum, áður en það hélt áfram til Bandaríkjanna þar sem það mæltist …

Ein leiðin til að sjá eigin augum hversu umsvifamikil atvinnugrein ferðaþjónustan er í landinu er að fara í morgunferð austur á Þingvelli, njóta þess að vera þar nánast einn dálitla stund og hlusta á fuglana syngja, fylgjast síðan með bílaflóðinu inn á stæðin við gestastofuna á Hakinu þegar klukkan fer að ganga tíu. Þá sér …

Norska flugfélagið Norwegian gerði upp annan ársfjórðung í gær en hlutabréf í félaginu féllu um 16 prósent í síðustu viku þegar afkomuspá ársins var lækkuð. Fjárfestar tóku þó uppgjör gærdagsins vel því bréfin hækkuðu um fimm af hundraði. Niðurstaðan hljóðaði upp á 477 milljónir norskra króna í hagnað fyrir skatt eða 6,1 milljarð íslenskra kr. …

Play mun fækka flugferðunum sínum til Norður-Ameríku um fjórðung í vetur í samanburði við þann síðasta líkt og FF7 greindi frá. Til viðbótar hefur félagið gert breytingar á flugáætlun sinni til Evrópu. Í sumum tilfellum fjölgar ferðunum en þeim fækkar í öðrum. Þannig gerir áætlunin fyrir september ráð fyrir tíu prósent færri ferðum en í …

Play er með fjóra áfangastaði Bandaríkjunum og einn í Kanada og býður félagið nú upp á daglegar ferðir til þeirra allra nærri allt árið um kring. Yfir vetrarmánuðina hefur Play þó dregið úr framboði en næsta vetur verður niðurskurðurinn meiri en áður. Næstkomandi nóvember er aðeins reiknað með 99 brottförum frá Keflavíkurflugvelli til Bandaríkjanna og …

Nú í vikunni hafa mælingar í Noregi og Bandaríkjunum sýnt að verðlag í þessum tveimur löndum hjaðnar hraðar en greinendur höfðu reiknað með. Það sama er upp á teningnum í Svíþjóð en í morgun birti hagstofan þar í landi nýjar verðlagsmælingar sem sýna að verðbólga sl. 12 mánuði mælist nú 2,6 prósent. Ef vaxtakostnaður er …

Gengi hlutabréf í Icelandair hefur nú fallið um 61 prósent síðustu 12 mánuði og kostar hver hlutur í dag 86 aura. Í hlutafjárútboðinu sem efnt var til í september 2020, til að koma flugfélaginu í gegnum heimsfaraldurinn, var hluturinn seldur á 1 krónu. Stuttu eftir útboðið fór gengið eins langt niður og það er í …

Á fyrri helmingi ársins komu aðeins færri Bandaríkjamenn til Íslands en á sama tíma í fyrra þrátt fyrir tíðari flugferðir. Há verðbólga vestanhafs er væntanlega ein af skýringunum á þessum samdrætti enda hafa skuldsettir Bandaríkjamenn nú minna á milli handanna. Nú gæti hagur þess hóps vænkast því verðlag í Bandaríkjunum lækkaði meira í síðasta mánuði …