Samfélagsmiðlar

Eru það hótelgestir eða skattgreiðendur sem borga?

Við úthlutun úr framkvæmdastjóði ferðamannastaða í gær sagði ráðherra ferðamála að þeir 2,8 milljarðar sem færu í framkvæmdina væru í boði skattgreiðenda. Tekjur af gistináttaskatti standa hins vegar undir fjárveitingunni og rúmlega það.

Þórdís Kolbrún Reykfjörð Gylfadóttir, ráðherra ferðamála.

Þegar lög um gistináttaskatt voru sett hér á landi árið 2011 þá var yfirlýst markmið skattsins að afla tekna til að stuðla að uppbyggingu, viðhaldi og verndun fjölsóttra ferðamannastaða, friðlýstra svæða og þjóðgarða. Jafnframt átti að nýta tekjurnar í að auka öryggi ferðamanna og vernda náttúru landsins samvæmt því frumvarpi sem Alþingi samþykkti. Innheimta á skattinum hófst í ársbyrjun 2012 og nam gjaldið þá 100 krónur á hverja gistieiningu sem þýðir í raun að rukkaðar voru aukalega 500 krónur á hvert hótelherbergi  sem leigt var út í 5 nætur. Upphæðin var jafnhá fyrir alla tegundir gistingar, líka svefnpokapláss á farfuglaheimilum.

Síðastliðið haust var gistináttagjaldið þrefaldað og nemur nú 300 krónum á hverja gistieiningu. Gestur á íslenskum gististað borgar því aukalega 1500 krónur af 5 daga gistingu hér á landi og samkvæmt fjárlagafrumvarpi þessa árs verða tekjur ríkisins af gistináttaskattinum rúmir 1,4 milljarðar í ár.

Lögunum um gistináttaskatt var hins vegar breytt í fyrra í takt við frumvarp Þórdísar Kolbrún Reykfjörð Gylfadóttir, ráðherra ferðamála. Tekjurnar af gistináttaskattinum eru því ekki lengur eyrnamerktar framkvæmdasjóði ferðamannastaða eins og áður var. Og í ljósi þessara breytinga, sem núverandi ráðherra ferðamála gerði í fyrra, þá vekur athygli að hún segi 2,8 milljarða framkvæmdir við ferðamannastaði næstu þrjú ár vera í „boði skattgreiðenda“ í fréttum Stöðvar 2 í gær.

Það er vissulega rétt að miðað við nýju lögin þá kemur fjármagnið úr ríkissjóði en ef lögunum um framkvæmdasjóðinn hefði ekki verið breytt í fyrra, af frumkvæði Þórdís Kolbrúnar, þá hefðu tekjur af gistináttaskattinum dugað fyrir framkvæmdum upp á 1,4 milljarða í ár. En sem fyrr segir var 2,8 milljörðum úthlutað í gær til framkvæmda við ferðamannastaði til næstu þriggja ára eða rétt um 900 milljónum á ári. Það er hálfum milljarði minna en ríkið hefur í tekjur af gistináttaskattinum.

Þess ber að geta að á næsta og þarnæsta ári verður líka veitt fjármagni til framkvæmda við ferðamannastaði. Ef miðað er við að tekjur af gistináttaskattinum verði óbreyttar næstu ár þá mun hann samtals skila rúmum fimm milljörðum næstu þrjú ár. Þá upphæð væri líklega hægt að hækka þónokkuð ef eftirlit hins opinber með heimagistingu yrði eflt. Því nýleg dæmi sýna, bæði í Frakklandi og í Svíþjóð, að töluverður hluti þeirra sem leigja út til einkahúsnæði til ferðamanna stendur ekki skil á opinberjum gjöldum eins og gistináttaskatti.

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …