Samfélagsmiðlar

Icelandair rukkar fyrir aukið fótarými

Þrátt fyrir að val á sæti sé innifalið í ódýrustu fargjöldunum hjá Icelandair þá nær það ekki til sætanna þar sem er meira fótapláss.

Stjörnumerktu sætin á myndinni til hægri eru þau sem rukkað er sérstaklega fyrir.

Í byrjun vetrar hóf Icelandair að bjóða fargjöld þar sem innritaður farangur var ekki innifalinn en áður hafði komið fram í máli forsvarsmanna fyrirtækisins að von væri á slíku til að félagið gæti staðist verðsamanburð við ódýrustu fargjöld lággjaldaflugfélaganna.  Áfram var þó val á sæti um borð innifalið hjá Icelandair. Öfugt við það sem tíðkast hjá þeim lággjaldaflugfélögum og líka þeim hefðbundnu sem hafa farið hafa þessa leið í verðlagningu.

Núna er Icelandair hins vegar farið að rukka aukalega fyrir sætin sem eru við neyðarútganga þar sem fótarými er meira en almennt gerist. Nemur gjaldið á bilinu 2 til 3 þúsund krónur í flugi innan Evrópu en 4.500 til 6.500 krónur ef haldið er vestur um haf samkvæmt athugun Túrista. Ekki þarf að borga fyrir að taka frá önnur sæti en þessi fyrrnefndu.

Til samanburðar þá kostar aukalega 1.999 til 2.999 kr. að sitja í sambærilegum sætum í Evrópuflugi WOW air en 3.999 til 5.999 í flugi félagsins til N-Ameríku. Verðið ræðst m.a. af fluglengd en farþegar WOW þurfa einnig að greiða fyrir almenn sæti ef þeir vilja tryggja sér ákveðinn stað í flugvélinni.

Nýtt efni

Almennu hlutafjárútboði Play lauk í gær og bárust tilboð upp á 105 milljónir króna en lagt var upp með að selja nýtt hlutafé fyrir allt að 500 milljónir króna. Þátttaka almennings í hlutafjáraukningu Play í nóvember 2022 var heldur ekki í takt við framboð. Þá lögðu stærstu hluthafar félagsins því til 2,3 milljarða króna. Það …

Bandarísk flugfélög hvetja Biden-stjórnina í Bandaríkjunum til að gefa ekki út fleiri flugleyfi fyrir kínverska keppinauta þeirra í flugi milli Kína og Bandaríkjanna. Vísað er til samkeppnishindrana sem flugmálayfirvöld í Kína beita erlend flugfélög. Reuters-fréttastofan greinir frá þessu. Samgönguráðuneyti Bandaríkjanna gaf það út í febrúar að kínversk flugfélög gætu boðið allt að 50 flugferðir á …

Kynnisferðir, sem starfa undir vörumerkinu Icelandia, hafa gengið frá kaupum á öllu hlutafé í Dive.is. Fyrir áttu Kynnisferðir 51% hlut í félaginu á móti Tobias Klose. Dive.is sérhæfir sig í köfunar- og snorklferðum í Silfru auk þess að bjóða upp á námskeið í köfun. Félagið leggur mikið uppúr upplifun viðskiptavina enda er það í efsta …

„Ég myndi halda að við værum stærsta flugfélagið fyrir þá sem eru að fljúga frá Íslandi," sagði Einar Örn Ólafsson, forstjóri Play, á kynningarfundi hlutafjárútboðs félagsins, á þriðjudaginn. Máli sínu til stuðnings sýndi hinn nýi forstjóri og fyrrum stjórnarformaður flugfélagsins glæru þar sem sjá mátti hvernig hlutdeild Play á heimamarkaði hefur aukist og farið upp …

Árið 2018 kynnti netverslunin Amazon nýjung á bandarískum smásölumarkaði: Amazon Just Walk Out-Stores. Verslunin var kynnt sem mikil bylting og í rauninni væri lausn Amazon framtíðarlausn fyrir aðrar smásöluverslanir. Maður skannaði símann sinn þegar gengið var inn í Just Walk Out-verslun Amazon, valdi þær vörur sem maður girntist, setti þær í innkaupakörfu og síðan gat …

MYND: ÓJ

Fyrir heimsfaraldur voru flugsamgöngur milli Íslands og Ítalíu litlar, takmörkuðust lengst af við sumarferðir til Mílanó. Á þessu hefur orðið mikil breyting því nú er hægt að fljúga héðan allt árið til Rómar og Mílanó og á sumrin eykst úrvalið enn frekar.  Ítölsku ferðafólki hefur fjölgað verulega í takt við þessar auknu samgöngur og var …

Sala á hreinum rafbílum frá þýska bílaframleiðandanum BMW jókst um 41 prósent á fyrsta fjórðungi ársins. Með söluaukningunni er vægi rafbíla hjá BMW, sem einnig framleiðir Mini, komið upp í 20 prósent hjá þýska framleiðandnum en hlufallið var 15 prósent fyrir ári síðan samkvæmt frétt Bloomberg. Á sama tíma hefur orðið samdráttur í sölu á …

Kínverski bílaframleiðandinn Chery virðist vera að ná samningum um að eignast fyrstu verksmiðju sína í Evrópu, nánar tiltekið í katalónska höfuðstaðnum Barselóna á Spáni. Um er að ræða verksmiðju sem Nissan lokaði árið 2021 og er markmið yfirvalda á Spáni og héraðsstjórnarinnar í Katalóníu að endurheimta þau 1.600 störf sem þá glötuðust. Nú hefur katalónski …