Samfélagsmiðlar

Verið að leggja lokahönd á ársuppgjör WOW air

Athygli hefur vakið að forsvarsmenn WOW air hafa ekki ennþá birt upplýsingar um afkomu fyrirtækisins í fyrra. Frestur íslenskra flugrekstraraðila til að skila inn ársreikningi til Samgöngustofu rennur út í lok næsta mánaðar.

WOW air var rekið með umtalsverðum hagnaði árin 2015 og 2016 líkt og kom fram í tilkynningum sem félagið sendi frá sér í febrúar í fyrra og hittifyrra. Í ár hafa hins vegar engin tíðindi borist af afkomunni hjá flugfélaginu en þar sem fyrirtækið er alfarið í eigu Skúla Mogensen þá ber því ekki skylda til að birta þessar upplýsingar úr rekstri sínum opinberlega. Öfugt við það sem skráð hlutafélag eins og Icelandair Group þarf að gera.

Í ljósi stóraukinna umsvifa WOW air og þeirrar staðreyndar að eigandinn sjálfur hefur sagt að það yrði mikið högg fyrir íslenskt þjóðarbú ef rekstur Icelandair eða WOW air myndi stöðvast þá er óhætt að fullyrða að margir bíði eftir upplýsingum um stöðu flugfélagsins. Þess má þó geta að það kom fram í máli Skúla Mogensen nýverið að velta WOW hafi verið 50 milljarðar í fyrra. Það er aukning um 36% frá árinu 2016.

Það er Samgöngustofa sem hefur eftirlit með rekstri íslenskra flugrekenda og Þórhildur Elínardóttir, samskiptastjóri stofnunarinnar, segir í svari til Túrista að fylgst sé með fjárhagsstöðu allra flugrekenda og matið er í venjulegum farvegi. „Hluti af því ferli er að beðið er um viðbótar gögn ef nánari skýringa er óskað og það er hluti af venjulegu mati,“ segir Þórhildur og bætir því við að frestur flugrekenda til að skila ársreikningi renni ekki út fyrr en í lok júní.

Aðspurð um reksturinn í fyrra og hvenær tilkynnt verði um afkomuna þá segir Svanhvít Friðriksdóttir, talskona WOW air, að ekki liggi fyrir hvenær ársuppgjörið verði birt opinberlega en verið sé að leggja lokahönd á uppgjörið. Svanhvít bætir því við að WOW fylgi öllum reglum Samgöngustofu og skili inn þeim gögnum sem félaginu ber á tilsettum tíma.

 

Nýtt efni

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …

Þjóðarflugfélög Frakka og Hollendinga mynda samsteypuna Air France-KLM Group og hagnaðist fyrirtækið um 934 milljónir evra á nýliðnu ári. Sú upphæð jafngildir 140 milljörðum króna. Aldrei áður hefur þessi fransk-hollenska samsteypa skilað svona miklum hagnaði að því fram kemur í tilkynningu nú í morgun í tilefni af birtingu uppgjörsins. Þar kemur fram að stríðið á …

Karólínska háskólasjúkrahúsið í Stokkhólmi er það sjöunda besta í heimi samkvæmt árlegum lista bandaríska tímaritsins Newsweek. Þetta er fimmta árið í röð sem Karólínska er á lista yfir þau 10 bestu en Björn Zoëga hefur verið forstjóri sjúkrahússins öll þau ár. Björn sagði stöðunni upp nú í ársbyrjun og lætur af störfum í næstu viku. …

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …

Toyota í Japan tilkynnti í morgun að framleiðsla fyrirtækisins hefði aukist um sjö prósent í janúar og að þetta væri þrettándi mánuðurinn í röð sem fleiri bílar væru framleiddir en í sama mánuði árið á undan. Meginskýringin er sögð mikil eftirspurn í Bandaríkjunum. Í janúar runnu rúmlega 740 þúsund fleiri Toyotur af færiböndum verksmiðjanna en …