Samfélagsmiðlar

Samkomulag óháð kaupum á nýjum þotum

Icelandair Group hefur gert bráðabirgðasamkomulag við Boeing um bætur vegna MAX þotanna. Komandi kaup félagsins á nýjum flugvélum eru ekki hluti af málinu.

Fjórar af Boeing MAX þotum Icelandair.

Tjón Icelandair vegna kyrrsetningar Boeing MAX þotanna er nú metið á 135 milljónir dollara sem jafngildir 16,8 milljörðum króna. Náðst hefur bráðabirgðasamkomulag við bandaríska flugvélaframleiðandann um bætur fyrir hluta þessa tjóns samkvæmt því sem fram kom í tilkynningu frá Icelandair í gær. Aðspurð segir Ásdís Ýr Pétursdóttir, upplýsingafulltrúi Icelandair, að samkomulagið sé óháð yfirstandandi viðræðum flugfélagsins um kaup á nýjum þotum. En á næstu mánuðum er ætlunin að Icelandair gangi frá kaupum á þotum sem leysa eiga af hólmi Boeing 757 þotur félagsins sem komnar eru til ára sinna.

Í tilkynningu Icelandair í gær segir jafnframt að viðræður standi yfir við Boeing um að fá allt það tjón bætt sem kyrrsetning MAX vélanna hefur valdið félaginu. Á sama tíma stendur afkomuspá Icelandair Group fyrir árið 2019 óbreytt.

Líkt og Túristi fjallaði um nýverið þá eru komandi flugvélakaup Icelandair þau þriðju stóru sem stjórnendur Icelandair hafa ráðist í á þessari öld. Á árunum fyrir hrun voru keyptar Boeing Dreamliner þotur sem félagið tók þó aldrei í notkun heldur seldi réttinn á þeim til Norwegian. Þau eintök hafa ekki reynst eins vel eins og stjórnendur Norwegian reiknuðu með og eru meðal þeirra tíu Dreamliner þota sem félagið hefur átt í vandræðum með og þá aðallega vegna hreyfla frá Rolls Royce. Dreamliner þoturnar voru líka kyrrsettar í þrjá mánuði um heim allan snemma árs 2013.

Næstu flugvélaviðskipti Icelandair áttu sér stað árið 2012 þegar MAX þoturnar voru pantaðar en þær hafa leikið rekstur Icelandair grátt síðastliðið hálft ár. Enn er ekki ljóst hvenær fugvélarnar fara í loftið á ný en vetraráætlun Icelandair gerir ráð fyrir þeim í byrjun næsta árs.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …