Samfélagsmiðlar

Líka mettekjur hjá Norwegian og tómu sætin aldrei færri

Flugfélögin njóta þess að farþegar setja ekki hátt farmiðaverð fyrir sig.

Í sumar nýtti Norwegian 70 flugvélar en stefnt er að því að flotinn telji 82 þotur í lok næsta árs. Þar á meðal verða nýjar Boeing Max8 vélar.

Sumarvertíðin hjá Norwegian var góð líkt og hjá svo mörgum öðrum flugfélögum enda tóku margir því fagnandi að geta ferðast án sóttvarnartakmarkanna. Og óvenju há fargjöld héldu ekki aftur af fólki eins og sést á uppgjörum flugfélaga.

Farþegatekjurnar þeirra flestra í sumar voru hærri en áður og þoturnar þéttsetnari en dæmi eru um. Þannig var það hjá Icelandair og líka hjá Norwegian en stjórnendur norska félagsins kynntu í morgun uppgjör á þriðja ársfjórðungi.

Og niðurstaðan var rekstrarhagnaður (Ebit) upp á um einn milljarð norskra króna eða 14,3 milljarða íslenskra. Til samanburðar var rekstrarhagnaður Icelandair á þriðja ársfjórðungi 12,9 milljörðum króna en umsvif Icelandair eru miklu minni en Norwegian.

Rekstur félaganna er líka ólíkur á margan hátt. Innanlandsflug og stuttar ferðir innan Skandinavíu eru stór hluti af rekstri Norwegian en félagið gerir hins vegar ekkert út á fraktflutninga. Sá liður er stór í rekstri Icelandair.

Á fundi með fjárfestum í morgun fór Geir Karlsen, forstjóri Norwegian, yfir horfurnar næstu misseri og sagði útlitið gott fyrir október og nóvember en ennþá væri fólk að bóka flug með stuttum fyrirvara. Karlsen sagðist því ánægður með þá ákvörðun að draga töluvert úr framboði á komandi vetri.

Íslandsflug Norwegian lendir meðal annars undir niðurskurðarhnífnum því flug félagsins hingað frá Ósló verður sett á ís frá miðjum nóvember og fram í byrjun febrúar ef frá eru taldar nokkrar ferðir yfir jól og áramót.

Þotur Norwegian verða því sjaldséðar við Leifsstöð á næstunni en fyrir heimsfaraldur var Norwegian mjög umsvifamikið hér á landi. Á tímabili bauð félagið til dæmis upp á beint flug til Íslands frá fimm spænskum flugvöllum. Stjórnendur Norwegian lokuðu hins vegar starfsstöðvum félagsins fyrir utan Skandinavíu þegar Covid-19 kom upp en nú eru þeir að byggja upp reksturinn á Spáni á nýjan leik og ætla einnig að hefja flugrekstur í Lettlandi.

Nýtt efni

Um 90% af öllum úrgangi sem fellur til á Íslandi, bæði frá heimilum og rekstri, ratar í einhvers konar endurvinnslu eða endurnýtingu. Þetta sýna nýjar úrgangstölur frá Umhverfisstofnun, fyrir árið 2022.  Það er fróðlegt að rýna í þessar tölur og fá þar með yfirsýn yfir neyslu Íslendinga, en Íslendingar eru á meðal mestu neysluþjóða í heimi. Magn …

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …