Samfélagsmiðlar

Telur verðbólgu hafa náð hámarki á heimsvísu

Gita Gopinath, aðalhagfræðingur Alþjóðagjaldeyrissjóðsins, á fundinum í Davos í dag.

Verðlag hér heima og erlendis hefur hækkað hratt síðustu misseri og vextir sömuleiðis. Við þessi skilyrði má gera ráð fyrir að færri hafi ráð á ferðalögum líkt og Bogi Nils Bogason, forstjóri Icelandair, kom inn á í viðtali við Túrista í byrjun nóvember. Þar sagðist Bogi telja skynsamlegt að stíga varlega til jarðar hvað aukningu á framboði varðar enda væri „verðbólga á fleygiferð“ á öllum mörkuðum flugfélagsins.

Skilaboð dagsins frá Gita Gopinath, aðalhagfræðingi Alþjóðagjaldeyrissjóðsins, eru hins vegar þau að verðbólga hafi líklega náð hámarki á heimsvísu en árið í ár verði engu að síður erfitt. Gopinath reiknar með að hagvöxtur fari að aukast um mitt þetta ár og sú þróun haldi áfram fram á næsta ár. Þetta kom fram í erindi Gopinath á efnahagsráðstefnunni í Davos í Sviss í dag og fréttaveita Bloomberg segir frá.

Segja má að þessi spá um bjartari horfur í heimsbúskapnum séu í takt við það sem ráðamenn hinna ýmsu ríkja hafa haldið fram á fundinum í Davos. Olaf Scholz, kanslari Þýskalands, sagðist til að mynda sannfærður um að þar í landi myndi hagkerfið ekki dragast saman í ár, öfugt við það sem spáð hefur verið.

Og í því samhengi má benda á að Þjóðverjar eru fjölmennir í hópi ferðamanna hér á landi. Í sumar verður til að mynda í fyrsta sinn haldið úti beinu flugi frá Þýskalandi til bæði Akureyrar og Egilsstaða. Hið þýska Condor ætlar að fljúga til beggja þessara bæja frá Frankfurt og Niceair gerir ráð fyrir reglulegum ferðum frá Akureyri til Dusseldorf.

Íslensk ferðaþjónusta á því mikið undir að Þjóðverjar hafi ráð á því að ferðast.

Nýtt efni

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …

Hann er önnum kafinn við að búa til smjördeig fyrir bökurnar þegar símaviðtalið hefst en er með hendurnar frjálsar og spjallar á meðan. Smjördeigið á leið yfir botninn með fyllingunni - MYND: © Arctic Pies „Við vorum þrír Ástralir sem stofnuðum þetta fyrirtæki saman og tengdum í gegnum þessa sömu matarupplifun. Það er pínu flókið …

Á fimmta hundrað flugvallarstarfsmenn í Ósló og Bergen munu leggja niður störf á miðnætti ef ekki nást samningar um nýjan kjarasamning. Viðræðurnar stranda aðallega á kröfum um bætt lífeyrisréttindi og aukin veikindarétt að því segir í frétt Norska ríkisútvarpsins. Ef til verkfalls kemur er viðbúið að það hafi mikil áhrif á umferðina um flugvellina í …