Samfélagsmiðlar

Mega falla frá kaupum á MAX

Fjármálastjóri Norwegian segir félagið geta hætt við kaup á MAX þotum ef afhending dregst í meira en tólf mánuði. Ekki hefur fengið upplýst hvort Icelandair eigi sama rétt en telja má víst að samnningar félagsins við Boeing séu upp á borðum í yfirstandandi viðræðum við hluthafa.

Starfsmenn Boeing þegar fyrsta MAX 10 þotan var tilbúin.

Krafa Norwegian á Boeing hækkar með hverjum degi þar sem kyrrsetning MAX þotanna er ennþá í gildi. Mögulegar fébætur frá Boeing nægja þó ekki einar og sér til að koma Norwegian úr núverandi lausafjárkrísu. Þetta kemur fram í viðtali við Geir Karlsen, fjármálastjóra Norwegian, á norska viðskiptavefnum E24. Icelandair hefur aftur á móti í tvígang gert samkomulag við bandaríska flugvélaframleiðandann um bætur vegna MAX þotanna eftir að þær voru kyrrsettar um miðjan mars í fyrra í kjölfar tveggja flugslysa þar sem 346 manns misstu lífið.

Fjármálastjóri Norwegian segir í viðtalinu að ekki sé hægt að reikna með háum bótum frá Boeing og hvað þá einhverju sem geti bjargað Norwegian. Skýringin á því er meðal annars sú kreppa sem heimsbyggðin er í núna sem hefur leikið Boeing grátt eins og svo mörg önnur fyrirtæki. Norwegian stendur á sama tíma mjög tæpt en þann fjórða maí næstkomandi verður að liggja fyrir hvort lánadrottnar félagsins samþykki tillögur um að breyta skuldum í eigið fé. Stórbætt eiginfjárhlutfall er ein af forsendum þess að Norwegian fái þá lánaábyrgð sem norska ríkið hefur lofað félaginu.

Í ljósi ört versnandi stöðu Boeing þá má kannski segja að stjórnendur Icelandair hafi gert vel í því að sækja bætur fljótt vegna MAX þotanna. Upplýsingar um samkomulagið eru þó ekki opinberar og til að mynda voru bæturnar að hluta til færðar inn í bókhald Icelandair sem farþegatekjur. Eins hafa ekki verið veittar upplýsingar um hvort Icelandair hafi, í tengslum við bótagreiðslurnar, fallið frá rétti sínum til að skila þotum vegna þeirrar miklu tafar sem orðið hefur á afhendingu þotanna.

Norwegian hefur alla vega rétt á að falla frá kaupum á MAX flugvélum án þess að skulda Boeing krónu ef afhending þotu hefur dregist í tólf mánuði samkvæmt því sem Karslen, fjármálastjóri Norwegian, segir í viðtalinu við E24. Hann bendir þó á að þetta eigi við um hverja flugvél fyrir sig en ekki allan samninginn og ennþá heldur Norwegian í sína pöntun þó hluti af MAX þotunum séu nú þegar ári á eftir áætlun.

Ekki liggur fyrir hvort Icelandair hafi átt eða eigi ennþá þennan sama uppsagnarrétt en félagið gerði á sínum tíma samning um kaup á sextán MAX þotum. Aðeins sex þeirra hafa verið afhentar og þrjár í viðbót eru tilbúnar en standa við verksmiðjur Boeing í Washington fylki í Bandaríkjunum. Það má því telja það víst að Boeing nær því ekki að standa við þær tímasetningar sem gengið var út frá enda liggur öll framleiðsla á þotunum niðri.

Túristi spurðist fyrir um það í síðustu viku hvort Icelandair gæti fallið frá kaupum á þeim MAX þotum sem eftir á að framleiða. Í svari Icelandair segir að ekki sé hægt að fara út í efnisatriði kaupsamningsins þar sem hann er trúnaðarmál.

Fjármálastjóri Norwegian telur sig greinilega ekki bundinn af þessum trúnaði samanber ofangreind orð hans um að falla megi frá kaupum á MAX þotum ef afhending dregst um að minnsta kosti eitt ár. Það má þó telja öruggt að staðan á pöntun Icelandair hjá Boeing sé til umræðu á þeim fundum sem stjórnendur flugfélagsins eiga þessa dagana með hluthöfum um að leggja félaginu til aukið fé.


Viltu styðja Túrista?

Nú þegar virkilega á reynir þá stendur Túristi vaktina frá morgni til kvölds. Ef þú ert einn þeirra lesenda sem finnst gagn í skrifum Túrista þá væri ómetanlegt ef þú myndir leggja útgáfunni lið. Smelltu hér fyrir nánari upplýsingar.

Nýtt efni

Vorið 2021, stuttu áður en Play fór í loftið í fyrsta sinn, efndi félagið til hlutafjárútboðs þar sem söfnuðust 10 milljarðar króna. Í kjölfarið voru bréfin skráð á First North Growth í Kauphöllinni en um þann markað gilda ekki eins strangar reglur og Aðalmarkað Nasdaq. Í tengslum síðustu hlutafjáraukningu, sem lauk í apríl síðastliðnum, var …

Viðkiptastríð vesturveldanna og Kína heldur áfram að þyngjast því fyrr í dag gaf Evrópusambandið út að 38,1 prósent innflutningstollar yrðu lagðir á kínverska rafbíla frá og með næsta mánuði. Sú hækkun bætist við þann 10 prósent toll sem í dag ríkir á innflutning rafbíla frá Kína til aðildarríkja ESB. Þessi viðbótartollur hefur verið yfirvofandi síðustu …

Það var í júní 2014 sem breska lággjaldaflugfélagið Flybe, sem nú er gjaldþrota, hóf áætlunarflug til Íslands frá Birmingham. Flugleiðin stóð ekki undir væntingum stjórnenda Flyby og var lögð niður eftir níu mánuði. Þá tók Icelandair við keflinu og hélt úti tíðum ferðum milli Íslands og þessarar næstfjölmennustu borgar Bretlands fram í ársbyrjun 2018. Síðan …

Í Bandaríkjunum eru lestarsamgöngur ekki eins góðar og í Evrópu og þurfa þeir sem ætla að sækja komandi landsfundi Demókrata og Repúblikana annað hvort að keyra eða fljúga á fundarstað. Af þeim sökum hefur bandaríska flugfélagið United Airlines bætt við 118 flugferðum til og frá Chicago í ágúst í tilefni af landsfundi Demókrata. Repúblikanar hittast …

Gistináttagjald upp á 400 krónur (2,7 evrur) verður lagt á í Færeyjum frá og með október á næsta ári. Um leið verða allir þeir sem koma til eyjanna með skemmtiferðaskipum að greiða 1.300 króna gjald (9 evrur). Allar tekjur af þessari nýju gjaldtöku renna í sérstakan náttúruverndarsjóð að því segir í tilkynningu. Sá sjóður verður …

Talning á brottfararfarþegum á Keflavíkurflugvelli gefur vísbendingu um að erlendum ferðamönnum hér á landi hafi fækkað um tvö prósent í nýliðnum maí í samanburði við sama tíma í fyrra. Þróunin var hins vegar mjög ólík á milli þjóðerna. Þannig jókst straumurinn hingað frá Kanada umtalsvert á milli ára á meðan ferðamönnum frá Ísrael og Rússlandi …

Það seldust 1.259 nýir Tesla bílar á Íslandi árið 2022 og í fyrra voru þeir nærri þrefalt fleiri eða 3.471. Veltan jókst ekki í takt við söluna því tekjur bandaríska rafbílaframleiðands af hverjum nýjum bíl hér á landi drógust saman um 17 prósent samkvæmt útrekningum FF7 sem byggja á ársreikningi Tesla Motors Iceland ehf. Þetta …

Það voru 155 þúsund útlendingar sem innrituðu sig í flug frá Keflavíkurflugvelli í maí en þessi talning er notuð til að meta ferðamannastrauminn hingað til lands. Í maí í fyrra voru erlendu brottfararfarþegarnir 158 þúsund og 165 þúsund í maí 2018 þegar þeir voru flestir. Það vantaði því sex prósent fleiri farþega til að jafna …